今日係DSE中學文憑試放榜嘅日子，無論結果係咪高分都好，大家都要知道數字唔代表一切。喺娛樂圈裡面無論係高分定低分嘅藝人都有同等演出機會，一樣可以出人頭地，最重要係睇你發唔發揮到亮眼嘅工作能力。依家就嚟睇吓呢29位藝人嘅公開試成績
馬國明
馬國明喺柴灣慈幼中學畢業，雖然日日踢波，不過成績依然比上不足，比下有餘，最後知道會移民，所以會考係志在參與嘅態度，都竟然考到科科合格，有天才嘅潛質。由於爸爸係機械工程師，所以18歲移民咗去加拿大就入咗英屬哥倫比亞大學機械工程系，黃心穎都係呢間學校嘅金融與國際商業碩士畢業生，係校友嚟！馬國明就曾經話過：「我都知呢間大學專出港姐，不過我讀嗰科好少女仔，一個都唔識呀！」近日佢就喺《白色強人》做醫生唐明，唔怪得咁有專業人士嘅feel
(TVB劇照)
袁彌明
袁彌明讀聖士提反書院，中文作文部分F，會考成績前半年已經轉去美國高中，畢業於美國波士頓塔夫茨大學經濟系。
(now電視截圖)
高海寧
高海寧雖然喺會考考到22分，但中七時轉讀新法書院，之後冇再讀大學。
(TVB電視截圖)
陳法拉
2005年國際華裔小姐亞軍陳法拉喺美國紐約茱莉亞學院畢業，主修戲劇學院，係該學院表演系首個華人碩士之餘，更是首個華人以全A嘅成績畢業。
(陳法拉instagram)
黃翠如
黃翠如喺會考考獲1A5B2C 25分嘅成績，其後入讀浸會大學傳理系。
(TVB電視截圖)
雨僑
雨僑中學時讀英華女學校，會考得到26分，但原來已經係校內原校升中六墊底分數，之後喺香港大學生物系畢業。
(雨僑instagram)
汪明荃
汪明荃會考6分，不過因為喺推動粵劇上有好大貢獻，所以之後獲頒授理工大學榮譽院士、 城市大學榮譽文學博士、教育大學榮譽人文學博士、演藝學院榮譽博士。
(TVB電視截圖)
馮盈盈
2016年香港小姐冠軍馮盈盈係考第1屆DSE，有3科拎到5*成績，以28分入讀香港大學食物及營養學系。
(TVB電視截圖)
麥明詩
2015年香港小姐冠軍麥明詩讀拔萃女書院，喺會考考到10優成為狀元，畢業於英國劍橋大學法律系。
(麥明詩instagram)
陸永
陸永就讀香港鄧鏡波書院，會考9分，但之後曾就讀香港演藝學院。
(陸永instagram)
許志安
許志安自年少就希望做當1位能除暴安良嘅好警察，第1次會考得到3分，之後重考就獲得6分，數學拿A。
梁詠琪
梁詠琪讀瑪利諾修院學校，得到2A2B2C 24分，但之後畢業於理工學院平面設計系高級文憑課程，2003年以27歲之齡獲頒香港10大傑出青年。
(梁詠琪IG)
馬浚偉
馬浚偉喺會考考到美術A、中文D、英文E、工業繪圖E、數學U，總數係9分。
(網上圖片)
陳慧琳
雖然陳慧琳讀玫瑰崗書院，會考得4分，但之後遠赴日本繼續升高中，獲得校長賞識，推薦到全球排名第2，國際知名藝術大學修讀圖像設計學。
(陳慧琳instagram)
莫文蔚
莫文蔚精通5國語言，中小學都係讀女拔萃，老師都讚佢係優異生，佢喺會考英文、法文同家政獲得3A嘅佳績，最後取得3A5B 27分，並曾獲頒第1屆「香港傑出學生獎」，後來獲得獎學金到意大利就讀高中，隨後到英國倫敦大學皇家哈洛威學院主修意大利語同意大利文學。
(莫文蔚instagram)
森美
森美喺會考拎到1A5B2C 25分，從中大新傳畢業後加入電台做主持，成為人氣金牌DJ。
(森美instagram)
謝安琪
謝安琪會考得到21分，畢業於香港大學文學院，主修美國研究。
(謝安琪instagram)
陳小春
陳小春會考「捧蛋」獲0分。
(陳小春微博)
張達明
張達明陳樹渠紀念中學中文全級第1，但會考得D，考獲4分，曾報讀中文大學人類學系，不過未被取錄，最後演藝學院深造文憑畢業。
(張達明微博)
黃秋生
黃秋生成名之前好貧苦，會考考獲5分，之後喺演藝學院戲劇學院演藝文憑畢業，依家係演藝學院榮譽院士。
E-kids
由阮民安（Tommy）、林詠倫（Alan）同郁禮賢（Tim/Kasa）等3人組成嘅E-kids，3人會考一度傳出不多於5分。但阮民安澄清3個人其實總共得1分，係佢出席數學科考試得到。
(YouTube截圖)
朱凱婷
2001年香港小姐季軍朱凱婷精通日文，會考得到27分，畢業於中文大學市場學系，之後繼續兼讀中文大學企業傳訊社會科學碩士碩士課程。2007年出版第一本書籍《致富王道──8個投資金律》。
(TVB電視截圖)
古巨基
古巨基初時應考會考得5分，但佢堅持溫習，第2次重考就有10分。直至喺音樂路上成非凡，獲得法國聖彼爾大學頒授榮譽商管博士。
(古巨基nstagram)
杜汶澤
杜汶澤畢業於拔萃男書院，會考報咗9科只係應考咗5科，除咗英文獲B，其他科目分別為F、U、及ABS（缺席），整體4分。
(杜汶澤facebook)
孫耀威
孫耀威會考5A1C1E有成28分，成功入讀中文大學，佢老婆陳美詩讀九龍城區名校協恩中學，喺會考都考到23分嘅成績，同為中文大學校友。
(TVB電視截圖)
周秀娜
周秀娜10歲同家人嚟香港住，會考得6分。
(TVB電視截圖)
梁烈唯
呢排人氣爆登嘅梁烈唯，原來會考只有1分。
(梁烈唯微博)
李嘉欣
1988年香港小姐冠軍兼屆國際華裔小姐冠軍嘅李嘉欣讀瑪利諾修院學校，會考取得2A、7B佳績，英文同聖經勁到攞A，總共26分。咁多年嚟佢學識多國語言，如廣東話、上海話、英語、日語、葡萄牙語、意大利語，當中日語就拎到1級能力證書，據悉佢喺2009年修讀英語碩士課程並畢業。
(李嘉欣微博)
朱千雪
2012年香港小姐季軍朱千雪讀嘉諾撒聖心學校私立部，雖然冇講過自己會考幾多分，不過佢嘅學歷就足以大家一睇再睇。先畢業於西門菲莎大學商業和傳理系學士，再畢業香港中文大學企業傳播社會科學碩士，依家攻讀緊香港城市大學法律博士。
(朱千雪IG)
|
鍾意就快D Share啦！
|
|
|
