- 【澳門個唱有笑有淚】 孖3仔女合唱 薛家燕眼濕濕: 「唔覺得佢地係包袱」
- 12分鐘前
馬上成為壹會員
會員專區 只限會員閱讀
《薛家燕愛你無限60年演唱會》上周六(6月29日)於澳門圓滿完成！家燕姐全場又唱又跳，令觀眾十分投入，嘉賓米雪、王祖藍及側田帶來驚喜，而家燕姐與三子女合唱環節更是賺人熱淚，Encore時，家燕姐與排舞師阿Dee及王梓軒教全場六千多個觀眾跳「十字步」，場面壯觀。
69歲的家燕姐，穿上20磅龍袍及金飾登基，極具氣勢，她與米雪合唱 《滄海一聲笑》，贏得全場掌聲。家燕姐話：「隻手今晚會好酸痛，因為啲石鋪滿晒成件衫，同埋我帶住啲黃金、翡翠，我要做到好輕型咁。」米雪則表示:「家燕姐著起龍袍，有母儀天下嘅感覺，原來一路跳舞一路唱歌係咁辛苦，我真係好服家燕姐，唱歌之餘又要換衫、記歌詞。」
嘉賓王祖藍以上海灘造型現身，更搞笑話：「估唔到你去到呢個年紀，都願意陪我癲，扮美少女戰士。」家燕姐問祖藍囡囡近況，他大放笑彈：「個女啱啱半歲，做咗身體檢查，醫生話︰『王生恭喜你！半歲嚟講，100個小朋友有90個都矮過我個女，所以李亞男嘅基因贏咗。』我今日要趕住返去睇個女，因為李亞男12歲時已經1米7，所以我估計耷低頭望個女嘅時間唔多喇！」引來全場大笑！
全晚最感動是家燕姐與三位子女合唱《You Raise Me Up》，家燕姐話：「復出嗰陣仔女得幾歲大，我都諗點可以養大佢哋？因為自己都四十幾歲，好彩有《真情》。好多人話『你好陰公有3個包袱，點揹呀？』但我唔覺得佢哋係包袱，係推動力，我要做個100分嘅媽媽。雖然每日瞓得兩、三個鐘，但好值得。」家燕姐講到眼濕濕，觀眾拍掌鼓勵。事後她說：「其實我都忍住唔喊！怕影響把聲，但諗番佢哋細個嘅成長，好多嘢湧上心頭，眼淚、鼻涕不斷流，呢個騷係大家集體回憶。」
王梓軒為家燕姐寫了兩首歌《Captain Nancy》及《弟子規》，更現場演繹《聽媽媽的話》送給家燕姐，他花了兩日時間，改編了一段rap，大意是︰「家燕姐獨力撐起全家，六十年來用盡自己嘅生命點燃大家嘅歡欣再一步一步，跳上自己夢想嘅舞台再一次又一次教曉我哋咩叫愛……」
立即下載APP，精彩內容壹手掌握
下載連結： http://bit.ly/Next29App如對會員訂閱制遇到任何問題或意見，你可以致電 2623 9985，或電郵聯絡客戶服務主任cs@nextdigital.com.hk，我們定當盡力協助！
來源 source: http://nextplus.nextmedia.com
|
鍾意就快D Share啦！
|
|
|
