馬上成為壹會員
會員專區 只限會員閱讀
Viu tv神劇《教束》，以學生拒絕的教育問題，反映香港人面對逐步崩壞嘅社會。每個情節，都跟香港現狀不謀而合，因而贏盡口碑。
此劇不少新面孔，贏在起跑線，有被喻為零死角的靚仔會長鄧學謙(唐浩然飾演)，不過後勁凌厲者，是主角盧sir，演員劉俊謙。
12年演藝學院畢業，拍過數部Viu tv，也曾為黃子華的舞台劇《前度》演出，但真正「入民心」，是他以自然流暢的演技，把《教束》中由得過且過，到尋回教學初心的盧Sir，活活呈現觀眾眼前。
「最初播出嗰幾日，香港有啲事情發生，當時我心諗:『咁的話應該冇乜人睇！』，因為香港人都做佢地認為要做嘅事情。但估唔到唔知去到第幾集，有人將我哋個劇同社會嘅嘢連結咗，我都好驚訝，突然間多咗好多人睇。
其實一年前拍嘅時候，當時純粹覺得呢個係好劇本，估唔到會喺香港呢段時間播出。」劉俊謙說。導演想表達的，萬料不到可以食正天時地利人和。天意！
「覺得新一代年輕人，十幾二十幾、甚至好似我三十幾都會好關心社會。佢地(編劇)從呢個事件出發，只不過成個故仔set up是在學校。就如有啲人依然保留初衷，佢為人民做啲嘢，又會有啲政府，有于腐嘅人，每個地方都有呢啲事情發生。」
讚佢靚仔係大忌
入行七年終於彈出，劉俊謙一句:「唔覺得自己爆咗出嚟！」阿謙，係咪咁謙呀！他，有演技，亦有樣，不過讚佢靚仔，係大忌。「我抗拒人讚我靚仔係陣年舊事，點解咁講？因為當時我讀緊演藝學院，好多時我演出完，有啲同學仔或朋友到後台搵我影相，佢地第一時間會話：「謙，你好靚仔呀！咁我心諗，我排戲付出咗咁多勞力，你地淨係見到我靚仔。於是好排斥呢個字眼，覺得我嘅外在，否定緊點睇我嘅內在。但畢業後慢慢多咗人留意我內在，所以冇咁排斥呢樣嘢。其實依家大家可以讚我，我會開心架！」
- 曾經喺演技上迷失，就喺跳舞同操肌中尋找滿足，佢坦白咁話:其實係一種逃避。
同盧Sir一樣面對人生負擔
劉俊謙自言性格執著，不似盧Sir易妥協。不過能將這人物演得有地氣及立體，除編劇功力，劉俊謙也用心進入「盧Sir」的內心世界，發現彼此有共通之處。劉俊謙:「我同盧文達都係咁啱三十歲，係一個男仔轉捩點，開始有啲負擔，有啲嘢就唔可以再咁幼稚。好似為佢女朋友、自己生計作打算。男人廿歲時真係唔會想太多，但一到三十歲開始有負擔，我覺得呢方面同佢都幾有同感。」
- 曾跑到台灣學跳現代舞。
揀錯路變廢青
眼前一個被舞台界早已認同的演員，曾經是看不見出路的廢青。中學時，他入讀體藝學院。「我以游泳考入體藝，因為由細到大都想做運動員。自己鍾意體育，但相對嗰班精英，我唔算叻，資質好平傭。到中二時運動太多，整親膝頭，唔做得運動之後個人變得好頹廢。我一心只想做運動員，但又唔做得運動，等如廢咗武功，之後好多負面想法浮現出來嚟，多咗好多情緒。有段時間我日日匿喺屋企打機渡日，因為睇唔到自己有咩出路。又唔知點抒發，去到中六有個同學跟我說，不如試下戲劇，
一試就鐘意咗。到中七考A LEVEL，綜合成績就唔好，一D一E，考唔到大學。有人提議我試下考演藝，又好感恩俾我考到。不過入咗演藝，都有好多時候好迷網。
因為學習時好密集，面對好多老師意見，其實係面對緊好多錯敗。剛剛學做戲，點會做得好，除非係天才，否則通常喺初級階段，好多嘢好幼嫩，當時做戲對我而言，好似係一個失敗嘅標記。所以之後我點解不斷去學跳舞，鍛練身體，其實係一種逃避。就算出道後，依然有成日覺得自己做戲又唔好，有諗過搵番份正常工，轉行算
去到16年做完子華個舞台劇，之後VIU TV搵我合作，可能性格問題，我成日懷疑自己。直至去到17年，喺小劇場有個頒獎禮攞咗獎(憑舞台劇《天邊外》奪最佳男主角)，努力終於有啲成果，自己唔再係以前嗰個劉俊謙，大個咗。」打消轉行念頭。
- 17年獲小劇場頒獎禮頒發最佳男主角，演技得肯定，從此不再懷疑自己。
拍拖經驗少分手戲贏掌聲
日前他在劇中一場分手戲，網民及劇中演員都在他ig留言激讚，盧Sir喊位流暢自然。但現實中，呢個男人拍拖經驗只有兩次，28歲前只拍過一次拖，現在30歲，才有第二次體驗。「個人比較摺(宅男)，唔係好鍾意出去玩，或識女仔，同埋可能我對感情想像唔係太渴求。一直好小心，想搵到一個合適先開始，所以等咗好耐，依然先係第二次拍拖。」
撰文:Sukey
攝錄:吳斯金 李玄
攝影:IP KA WING
Hair:Nick Lam (orient4.com.hk)
Make up:@carmencmakeup_hair
Wardrobe:Sandro
- 呢場分手戲，好多人都睇到喊。
立即下載APP，精彩內容壹手掌握
下載連結： http://bit.ly/Next29App如對會員訂閱制遇到任何問題或意見，你可以致電 2623 9985，或電郵聯絡客戶服務主任cs@nextdigital.com.hk，我們定當盡力協助！
來源 source: http://nextplus.nextmedia.com
|
鍾意就快D Share啦！
|
|
|
