掃呢頁CODE去手機

2019年7月2日 星期二

娛樂專題:莊思明體諒 楊明計劃退休為父母延後婚期 __,楊明,莊思明,

入行21年經歷好多嘢!無綫小生楊明螢幕上演「情聖」,現實情路卻「刺激」欠奉。雖與女友莊思明達談婚論嫁階段,但為報父母劬勞,他決將兒女私情排次於「修身齊 ...


入行21年經歷好多嘢!


無綫小生楊明螢幕上演「情聖」,現實情路卻「刺激」欠奉。雖與女友莊思明達談婚論嫁階段,但為報父母劬勞,他決將兒女私情排次於「修身齊家」後,更開始於商界打拚,明言沒有打算以演員作終身事業:「演到人哋嘅『爸爸』已經足夠!」

現實非情聖後悔醉駕

不經不覺,楊明原來入行已21年。事業經過高山低谷的他,近期憑電視劇《婚姻合伙人》初嘗一線主角滋味,戲中演活「情聖」,甘願為至愛「頂包」入獄,楊明卻坦言「現實歸現實」,自己從未試過這麼動地驚天愛戀過,初戀更與一般年輕人無異!他自言發生在中三,但連「拖手仔都唔敢」,畢業後無疾而終,正面交代分手理由的機會也欠奉,只依稀記得對方叫「阿兒」……原來帥氣不代表情場定必佔優!

多女埋身?美麗的誤會

自認怕醜的楊明,鮮有主動結識異性,入行之初卻不時被拍得有異性相伴,最「轟動」莫過於與圈外女友宣布婚訊,最後變成分手收場。對於過往的緋聞,他坦言無怨:「話晒都係識吓朋友啫!況且好多時候都只係美麗的誤會,反而醉駕同刑毀就令我好後悔!因為影響到人哋,如果當時唔好彩撞到其他人,分分鐘一個幸福家庭就咁畀我拆散晒!」

讚莊思明零架子最啱Key

主動提起當時的「惡行」,楊明眉宇間滲出絲絲無奈。談到醉駕及刑毀發生僅相差一年,當時險些賠上了事業前程,他坦言:「發生事嘅時候,我真係完全斷片!諗番起嚟都幾驚,好慶幸公司、高層冇放棄我,自己當時亦冇諗過退出,話晒17歲做第一份工就喺呢度。」負面新聞令他成「史上第一人」,被公司要求重讀藝訓班,洗心革面重新做人。

事業上兜兜轉轉,楊明坦言起碼浪費了六、七年事業發展的光陰,期間一步一步慢慢苦心經營,終於等到《婚》劇的推出才柳暗花明,他感恩「天時、地利、人和」的配合。被問到女友莊思明是否都是類似情況下出現?他笑說:「思明唔同,呢個人其實出現咗好耐喇!外界總會覺得佢係有錢女,但其實佢對朋友好好,完全冇(千金小姐)呢種感覺,加上我同佢都鍾意玩,所以大家好夾、默契好好,好自然咁走埋一齊。」

開湯水店證明自己

談起婚期,38歲的楊明忽然有感而發:「呢方面其實冇時間表嘅,思明都知道同支持我嘅想法。我覺得父母嘅前半生,為咗我同家姐付出同擔心好多,依家係時候掉轉,到我為佢哋提供條件,畀佢哋過喜歡及理想嘅生活,然後先會諗自己嘅家庭。好似我開湯水店都係做畀佢哋睇,等佢哋唔使擔心我,嚟緊我要認真啲做添。」對於演藝事業,正上位的他反而有退休計劃:「我依家同啲前輩開工,發覺佢哋仲精力充沛、好敬業樂業,我自問未必有咁嘅精神,心入面都有諗過最多只接受做到人哋爸爸,爺爺輩就唔好預我喇!」

後記:多咗個女友

當楊明遇上拍檔高海寧,意外地獲得觀眾受落,就連「正印」思明亦打爛醋埕!無綫乘勝追擊,讓兩人「再下一城」,塑造成情幕情侶挑戰收視!

談到這位「女友」,楊明坦言有「神同步」感覺:「大家都係首次擔正,開工頭一星期大家都好緊張,我同自己講咁落去唔係辦法。拍攝進入第二周,我決定豁出去,去到片場開工,竟然覺得同時間嘅高Ling表現都唔同咗,好多場戲都好有默契,拍鬧交戲後嚟仲投入到好似『食生菜』咁,合作得好好。」

---------------

立即參加「賞您睇」: http://bit.ly/2JWKULh

Click下面粒掣,儲on.cc coins!機票、家電、超市禮券、過萬份獎品等緊你。




來源 source: http://hk.on.cc
鍾意就快D Share啦!