2019年7月16日 星期二

【娛樂人物】「我哋從來唔會埋怨」蘇施黃伴金燕玲開心抗癌 __,癌,蘇施黃,金燕玲,

訪問中阿蘇表示現在最想是回饋社會,更關心起地球暖化問題。
訪問中阿蘇表示現在最想是回饋社會,更關心起地球暖化問題。66歲的蘇施黃(阿蘇)與64歲同性伴侶金燕玲相愛14載,感情穩定,日前阿蘇接受《蘋果》專訪,提 ...


66歲的蘇施黃(阿蘇)與64歲同性伴侶金燕玲相愛14載,感情穩定,日前阿蘇接受《蘋果》專訪,提到金燕玲落落大方,更謂二人感情一直深厚,「大家好開心,大家又想大家好開心,咁先係深厚。」完全不會因金燕玲有子宮癌而愁眉苦臉。阿蘇說過要將壽命拉長,原因竟然是:「佢(指金燕玲)係一個好得人驚嘅人,我要make sure佢死先過我,因為我驚佢去認屍嗰陣,是但一條都話係,我信唔過佢。」

撰文:羅慧敏

攝影:沈健程

相關新聞:佩服日本精神



蘇施黃2005年公佈患乳癌,戰勝癌魔後被類風濕關節炎困擾多年,今年初另一半金燕玲表示患上子宮癌,問阿蘇有埋怨過嗎?她說:「我哋從來都唔會埋怨,每件事都冇埋怨嘅心,咪順受囉,埋怨好難過嘅,快快脆諗吓點過仲好。我覺得上帝係有訊息畀我嘅,你急呀嘛,就畀個類風濕你,咁急做乜啫?」共過患難,二人的感情有否加深?阿蘇笑說:「冇嘅,我哋不嬲都好深厚,我哋深厚係各有各嘅,我哋嘅深厚唔係日日要對住,係你去玩你嘅,我去玩我嘅,大家好開心,大家又想大家好開心,咁先係深厚。」



阿蘇指她跟金燕玲一個睇中醫,一個信西醫,大家有病時最好就是收聲當幫忙。資料圖片 阿蘇指她跟金燕玲一個睇中醫,一個信西醫,大家有病時最好就是收聲當幫忙。資料圖片
金燕玲跟前夫育有女兒Emma,圖為年初兩母女在中環high tea。資料圖片

金燕玲跟前夫育有女兒Emma,圖為年初兩母女在中環high tea。資料圖片

打麻雀自癒

金燕玲曾經在阿蘇節目中透露化療後痛到入骨,令她生不如死,阿蘇說:「金小姐呢次真係好辛苦,要恭喜佢,佢啱啱做完第六次化療,第一次嘔到不得了,之後知道要早啲食藥,就冇嘔,但啲骨開始越嚟越痛。」她指金燕玲今次「好謝」:「佢好鍾意出街,今次係冇出過,佢頭髮甩晒、全身嘅毛都甩晒,佢話平時畫條眉用五分鐘就畫好,𠵱家要用半個鐘,因為冇眉畫!」阿蘇透露最後一次電療是本月5日,要在身體內部做,要做四次全身麻醉,她戥金燕玲辛苦的說:「真係幾攞命。」

相關新聞:【惹火主持】曾被盜名做招牌



阿蘇又謂跟金燕玲對醫學有不同理念,她說:「我哋係相反嘅,我信中醫,佢信西醫,當大家病嘅時候收聲當幫忙,唔好令佢覺得煩躁。我哋𠵱家有個group叫麻雀能醫百病,佢一好啲就會搵人陪佢打麻雀,我就做第五隻腳,佢一攰我就同佢打幾局。」其實阿蘇與金燕玲同樣有脾氣,究竟兩座活火山如何維繫?阿蘇想也不想便說:「只要兩個火山擺開啲就得囉!其實我哋冇乜嗌交嘅,因為我哋好少見面,自己做自己enjoy嘅嘢。」阿蘇曾經承諾十年賺夠兩億後,照顧金燕玲餘生,她笑說:「𠵱家負兩億呀!當然未達標啦,以一個唔識做生意嘅人點達標呢?其實當時我係學做生意,學咗九年,只得一間曲奇店。」



阿蘇早年加入商台做DJ,與其他十二位年輕DJ組成「6pair半」。

阿蘇早年加入商台做DJ,與其他十二位年輕DJ組成「6pair半」。

諗吓下一代

人生已走過66年,阿蘇謂已無慾無求,新目標為回饋社會,她說:「最近有過千個科學家開咗個會,出咗報告話2020年大家仲唔做啲嘢,地球會返唔到轉頭,我覺得自己有少少責任,我用咗個地球60年,不過報告指最有效嘅係全世界改變飲食習慣,食嘅肉每日只可以佔4%,我係食肉怪,𠵱家希望召集有心人同我一齊諗點樣改變自己飲食習慣,唔好剩番啲殘渣畀我哋嘅下一代,嚟緊呢段日子,我會擺心機去諗點樣可以留番丁點好嘢畀下一代。」




鍾意就快D Share啦!
Related Posts Plugin for WordPress, Blogger...