2019年7月16日 星期二

英超Fever:英超3雄搶丹尼爾 阿仙奴憑咩佔先機? __,丹尼爾,

巴西殿堂級右閘丹尼爾雖然已經36歲,不過啱啱幫巴西捧走美洲國家盃冠軍,表現仍舊光芒四射,由於佢同巴黎聖日耳門約滿離隊,據巴西同歐洲多個傳媒報道,曼城、 ...




巴西殿堂級右閘丹尼爾雖然已經36歲,不過啱啱幫巴西捧走美洲國家盃冠軍,表現仍舊光芒四射,由於佢同巴黎聖日耳門約滿離隊,據巴西同歐洲多個傳媒報道,曼城、熱刺同阿仙奴都齊齊向佢招手,而最出乎意料嘅係,阿仙奴竟然係呢場爭奪戰入面領先!

巴西《環球體育》同《UOL》,以及英國《每日郵報》、西班牙《世界體育報》等報道,丹尼爾受到英超3雄斟介,曼城領隊哥迪奧拿同丹尼爾曾經合作,視佢為基爾獲加正選位置挑戰者;熱刺就一早想賣走跌晒Watt嘅捷比亞,簽丹尼爾絕對係最佳選擇;至於阿仙奴右閘比利連重傷會缺席季初賽事,領隊艾美利早就想搵右閘補強,「免費」嘅丹尼爾當然啱心水。

美洲國家盃冠軍係丹尼爾職業生涯第40個冠軍獎盃,之前踢巴塞隆拿、祖雲達斯同巴黎聖日耳門都必定有冠軍落袋,據報目前阿仙奴簽佢成數最高。首先,阿仙奴新總監伊度過去幾年都係巴西國家隊要員,同丹尼爾非常熟悉。其次,阿仙奴主管辛尼爾係前巴塞隆拿主席,係丹尼爾信任嘅人,加上同艾美利前季同丹尼爾喺巴黎聖日耳門共事過1季,「人情牌」冇得輸!加上阿仙奴唔使畀轉會費,梗係easy得多

立即參加「賞您睇」:http://bit.ly/2JWKULh 

Click下面粒掣,儲on.cc coins!機票、家電、超市禮券、過萬份獎品等緊你。




來源 source: http://hk.on.cc
鍾意就快D Share啦!
Related Posts Plugin for WordPress, Blogger...