反送中示威遍地開花，近日有網民發起「圍電視城不如圍TVB商場Show」，表達對其新聞報道偏頗不滿，截至目前為止，無綫先後取消多個活動。馬國明昨日到紅磡出席活動時，有逾百名示威者出現並大叫口號，馬國明一上台更被噓，現身不足兩分鐘就返回後台，之後保安用一塊圍板擋着馬國明與示威者之間，並在警方護送下離開，成為首個被堵的TVB藝人。
相關新聞：袁偉豪望能暫緩社會氣氛
無綫藝人馬國明昨午到紅磡出席活動，但日前已有網民呼籲，昨日在出席沙田區大遊行前，先到紅磡「圍觀」馬國明的商場活動。昨日活動原定於下午2時舉行，《蘋果》記者於下午1時許抵達，已見到有近50名着黑衫戴口罩人士在現場。
「我都有嘢不滿」
馬國明在活動前於佈滿圍板的後台受訪，被問到怕不怕人身安全受威脅？馬國明說：「我又冇擔心，坦白講，我都係打工仔箒，上次屯門DSE嗰個活動，大會話取消咪取消囉，其實我都以為今日個活動都會取消，但係經理人就話會繼續，我都係打工箒，老闆叫我嚟咪嚟囉，一切都係大會安排啦，大會覺得許可嘅，就會繼續，呢啲嘢唔係我去決定，係大會決定。」問到若他現身後遇上有人示威或衝擊的話會怎麼辦？馬國明說：「我聽佢哋（商場）講就話會有安排嘅，我覺得最重要係安全，因為今日都有啲小朋友喺度，最緊要保住啲小朋友嘅安全。」
提到網民近日發起「圍電視城不如圍TVB商場Show」行動，作為無綫當家小生的馬國明會否向公司反映？馬國明說：「呢啲都係公司嘅安排，我唔方便講太多。」會否叫新聞部回應港人的訴求？馬國明說：「都係等公司嘅決定，因為我哋唔可以代表新聞部講嘅，其實我好明白有啲人對某啲事不滿，我生活喺香港都有嘢不滿啦，其實每個人都有難處。」問到示威活動會否影響到工作，馬國明謂：「其實就冇嘅，我之後就拍劇喇。」至於提到是否會影響到搵外快的機會？馬國明則說：「呢個唔可以考慮得太多，因為搵錢都係其次，最緊要係安全，錢財都係身外物箒。」
相關新聞：主播金盈撐無綫被鬧
甫上台已被噓
馬國明在後台受訪期間，有示威者手持標語到後台附近大叫口號，這也是首次TVB藝人出席活動遇同類事件，大會惟有開大音樂，訪問最終要取消，後台更有三個保安守衞。結果活動延遲至2時40分，馬國明上台時全程表現輕鬆及面帶笑容，現場有示威者發出噓聲，以及舉牌大叫「無綫新聞，出賣港人」及「袁志偉下台」等口號，馬國明上台前後不足兩分鐘即落台，而在台上期間未有發過言。
其後，馬國明由保安及警察護送下乘搭升降機到停車場離開，其間保安用一塊圍板擋着馬國明與示威者之間，護送他搭電梯，當馬國明離開後，示威者就陸續離開。事件過後，有網民紛紛指示威只針對無綫，希望馬國明體諒。
採訪：黃曉妍
攝影：陳慧安
|
鍾意就快D Share啦！
|
|
|
