上月20日任達華於中山出席活動時被刺傷，華哥目前留在家中休養，而受傷前一日(19日)，他聯同梁詠琪為鄭裕玲主持的商台節目《口水多過浪花》擔任嘉賓，宣傳他們主演的電影《小Q》。
華哥跟嘟姐合演過86年版的經典古裝劇《倚天屠龍記》，二人分別飾演張翠山和殷素素，而曾江飾演金毛獅王，節目中嘟姐憶述三人每天要於山洞中拍攝，嘟姐回想也覺辛苦：她說：「日拍夜拍，拍到好鬼頹，已經面黑黑咁。」然後她指住華哥說：「佢話唔好咁，拍埋呢十三場就收工，十三場呀!」在旁的GiGi即笑說：「好有鼓勵性，總要有人做這角色。」
嘟姐向來說話直率，年青時候的她也是一樣，她大爆曾經駡過曾江，而華哥當時就幫忙說好話，嘟姐說：「話佢(指曾江)好慘架，咁樣封住對眼，因為做個D盲嘅。」
嘟姐續說曾江因為顧住捉棋，而不願埋位拍攝，她說：「佢走左出去捉棋呀，同道具、燈光人員捉棋，差一場文戲未拍，他又不肯入去，係都要捉埋先，企足好耐架嘛!。佢(指華哥)就會話:『由得佢啦，他無乜樂趣，由佢捉棋啦。』」
最後她使出一招令前輩就範，嘟姐說：「我行出去推塌佢盤棋，仲問佢入不入來呀?佢又不會嬲呢。」嘟姐笑言曾江同華哥一樣性格賴皮，更笑問對著這兩個男人是否激死。
另外嘟姐又說起跟華哥到英國公幹的趣事，華哥跟其他男演員落Disco消遣，自言是文青的嘟姐獨自買飛去睇音樂劇，返酒店發現間房被整到亂七八糟，連護照也遺失了。
嘟姐更大爆華哥不夠細心，她說:「知不知他第一句說話講甚麼呀?就是『我即刻返房睇下間房有無事先』，幾不懂得憐香惜玉呀!你個袞公。」
華哥即解釋是為所有人著想，因為大家會將護照放他房間保存，他說：「我只是返房睇下，我真心為她好，個個護照放我度，唯獨她沒有，代表她自己顧自己。」
之後大隊離開英國，只得嘟姐要逗留四日申請護照，嘟姐即埋怨說：「無妄之災呀，又聽不到好說話，以為他會說『我陪你啦，唔好閉嗡。』」
華哥即解釋讓嘟嘟多留數天，感受下英國氣氛。
撰文 :TOPick柴犬出動
|
鍾意就快D Share啦！
|
|
|