2019年8月5日 星期一

李亞男:餅印囡囡係高妹!李亞男順祖藍意生夠6個? __,李亞男,王祖藍,

李亞男同囡囡餅印一樣。藝人李亞男去年底榮升媽咪,為老公王祖藍誕下女兒王天韻(Gabrielle)。不過,這位新手媽咪絕非新手,因為亞男從少就負責照顧比 ...


李亞男同囡囡餅印一樣。


藝人李亞男去年底榮升媽咪,為老公王祖藍誕下女兒王天韻(Gabrielle)。不過,這位新手媽咪絕非新手,因為亞男從少就負責照顧比自己年輕11歲的胞妹,可謂駕輕就熟,她更自認是輕鬆媽咪:「因為當年媽咪身體唔好,要我幫手湊妹妹,所以餵奶、換尿片同掃風對我嚟講唔係好新嘅嘢,我唔係緊張媽咪,生完BB個幾月就同老公去咗旅行慶祝結婚紀念,我係好可以離開小朋友,旅程中都掛住BB,但唔會每五分鐘去Check一次電話,我哋都好享受二人世界。無論有幾多個小朋友都要有二人世界,夫妻關係都好重要,唔可以生完仔女就忽略對方。」

湊女難拍劇

她指女兒性格偏文靜,樣子跟自己小時候完全一個餅印,老公鬆口氣,自己覺驚喜:「我佗嘅時間一直諗住係慳啲啦Baby個樣,當佢出世時係Surprise,而且佢好高,依家七個月係一歲高度。(將來畀佢選港姐或做模特兒﹖)佢乜都可以試,唔試唔知道己鍾意乜,但要努力讀書先。」不過,亞男揚言自己並非怪獸家長:「唔會逼佢喺學業上有一定成就,我畀佢讀國際學校,有番少少童年,覺得品格緊要過學歷,要識得去服侍人、愛人、珍惜同知足,希望囡囡有大智慧懂得選擇自己條路。(教囡囡嘅時候,同祖藍一個做好人一個做壞人﹖)我哋有討論過,我話我唔識鬧人,從來冇試過大聲去指摘一個人,我話不如你做衰人,你把聲大聲啲,但佢對住個女係冧晒,溶咗咁,暫時應該惡唔到。」她稱現時將女兒放首位,工作選擇方面,她會以照顧家庭為先:「一定唔會離開香港出埠好耐時間,唔好超過一星期。(拍唔到劇?)難啲,要等囡囡大啲,讀書或者可以照顧自己先。」

她坦言從沒想過自己會如此享受當母親,以前甚至想過不生小朋友:「以前太後生,會想有自己生活,想周圍飛去流浪,但依家定落嚟都好幸福,流浪可以等囡囡大個先。原來有個屬於自己嘅BB係咁開心同幸福,真係做咗媽咪先知。(再生?)因為我係開刀,唔可以咁密,要休息一年先,我想多啲時間集中喺個女身上。(想生幾多個?)老公話一係兩個、四個或六個,三個會被忽略,我打算兩個先。」

布滿針線睇實祖藍

亞男跟祖藍拍拖至今近14年,問到如何令感情保鮮?她表示05年開始時經過離離合合:「都經歷好多先可以一齊,唔容易,所以有咩事都會讓步,我呢行見過好多男仔都覺得佢係最好。我哋日日都會傾吓偈同互讚,我成日讚佢靚仔,身邊人好頂唔順,尤其奶奶。」至於會否擔心經常在內地工作的祖藍多誘惑?她說:「我身邊好多條針,佢啲助手、經理人,耐唔耐影張相畀我睇。佢都令我好放心,好少單獨約女性出街,如果佢要車女性回家,佢會一邊開車,一邊開Speaker同我傾電話,佢叫我唔好太信佢,對佢太放心,佢會鬆懈咗、冇預防心,會受到試探。(佢放唔放心你?)我都好宅女啫!佢成日都話我中咗愛神嘅箭,成日都話佢好靚仔,喺我心目中係冇一個人比佢更靚仔。」

髮型﹕Ted Yeung@ii Alchemy hair & nail

化妝﹕K.T.Tsui

場地﹕ClubONE水中天

服裝﹕Victoria Beckham from Joyce

鞋﹕RENE CAOVILLA

首飾﹕Links of London

---------------

立即參加「賞您睇」: http://bit.ly/2JWKULh

Click下面粒掣,儲on.cc coins!機票、家電、超市禮券、過萬份獎品等緊你。




來源 source: http://hk.on.cc
鍾意就快D Share啦!