2019年8月5日 星期一

娛刺撈飯:「循環你財」窮都講真心!張致恒幾頭住家任我痕 __,張致恒,

張致恒究竟有幾痕?男人不壞,女人不愛,壞極都要有品,可以風流,最忌下流!渣男人辦張致恒,洋名StevenCheung「史提芬.啫」,34歲,出道十六年 ...


張致恒究竟有幾痕?


男人不壞,女人不愛,壞極都要有品,可以風流,最忌下流!渣男人辦張致恒,洋名Steven Cheung「史提芬.啫」,34歲,出道十六年,見報十居其九同佢個姓有關,凡見異性,下半身自動識諗嘢:「食咗先講!」口說衰鹹濕會改過自新,但身體很誠實,鑊鑊衰偷食。失驚無神自揭做咗老竇將結婚,點知前數未清,正印、小四、小五、小六仆住出嚟聲討騙財又騙色,小三粉絲係正印(史提芬話係,事實冇人知),正印無端「被小三」,Hurt到話醫院見,世紀渣男,當之無愧!

女伴排隊輪住借

當拍檔關智斌喺北京、香港同加拿大都有磚頭,身家以千萬計時,史提芬依然不思進取,衰過拎最低工資,仲過緊有時可以窮到月入只有二、三千蚊嘅日子。話男人有錢就身痕,史提芬真人示範,窮鬼一樣可以痕得精彩,痕得過癮,實行「循環你財」溝女法,將溝女成本減低,甚至轉嫁喺唔同女友身上幫手分擔吓,要一拖五,真係唔使花好多錢!史提芬同正印同居,更為「又食又拎」精髓是也!

同居,食屙玩瞓都一齊,猶如兩夫妻置頭家。最安全嘅地方,就係最危險嘅地方,女嘅梗係覺得好有安全感,但喺史提芬角度嚟講,橫掂都係要搬出嚟住,多個人可以分擔租住成本,畀埋鎖匙女友自由出入,慳番接送時間同車費,仲要工人都唔使請,有女友洗衫、執屋、煮飯、掃地,好過請菲傭,機票人工都慳番。

係人都知做娛樂圈收入不穩,冇錢交租搭車食飯?話晒同居同床又同枕,一夜夫妻都百二蚊啦,況且識史提芬第一日都知係窮人一名,成個男人生勾勾有下巴,同你住埋一間屋喎,點會諗到佢走數呀?唔通一萬幾千都計咩?就係咁,快過三分鐘批核,現金立即到手!就係打正窮人旗號,表明窮得只有一顆真心,咁就打動到正印、小三、小四等輪住借,借完可以還畀上一個之餘,又可以剩番啲出街冧另一件,加上呢行開工收工冇定時,隨時天地任我痕,轉場冧女話咁易!呢個「循環你財」溝女法,好過借財仔,唔使九出十三歸!

精力過盛 不如捐精

識計數都未夠,要係渣男,先更容易得芳心。好男人有責任感,做乜講乜都諗過度過先;渣男無差別亂食,講大話同抖氣一樣自然,「愛你一萬年」呢啲情話,又點會羞於啟齒?肉麻真係當有趣,總有囡囡會中招。十個煲得一個蓋,要大話冚大話,冇咁上下記性都會穿煲,所以渣男特別細心,史提芬不單有記性, 仲好環保,一張相同時Send畀幾個囡囡報告行蹤,連去大解都影埋畀你睇,唔同場合帶唔同女伴去,個個都叫阿嫂,識做!或者大家覺得呢班囡囡蠢到加零一,明知史提芬食開有條路,都舂個頭埋去。女人嘅弱點,就係情到濃時,總會覺得自己一定係對方最後一個女人,以為自己先可以改變對方,明明抗拒結果心又軟,明

史提芬自以為公布婚訊,可以同所有囡囡一朝了,點知火燒連環船,急變過街老鼠。以佢嘅天資,如果用喺正途,分分鐘同「史提芬.周」周星馳嘅距離唔會天與地。只恨佢零責任感,死性不改,天生冇事業線, 只得一條慾火身痕線!講得出用BB嚟逼婚呢啲唔係人講嘅說話,又食又拎,係咪擺低幾滴責任都要?咪再用性上癮做藉口,咁精力旺盛,不如去捐精,起碼有幾舊水車馬費落袋,都叫做靠自己一雙手勞力賺番嚟,對社會有丁點貢獻!




來源 source: http://hk.on.cc
鍾意就快D Share啦!
Related Posts Plugin for WordPress, Blogger...