掃呢頁CODE去手機

2019年8月6日 星期二

陳曉華型爆上籃冧暈師妹 __,陳曉華,

陳曉華(左)、吳嘉儀鬥波,各有千秋。
陳曉華型爆上籃冧暈師妹港姐陳曉華(Hera)與藝人楊明日前通宵拍攝新劇中籃球戲份,原來Hera求學時是籃球校隊成員,有不少師妹Fans,相反幾年冇打波 ...


陳曉華型爆上籃冧暈師妹

港姐陳曉華(Hera)與藝人楊明日前通宵拍攝新劇中籃球戲份,原來Hera求學時是籃球校隊成員,有不少師妹Fans,相反幾年冇打波的楊明,笑言等睇對方表演入樽。

楊明、陳曉華、吳嘉儀(阿七)、李豪及蔡國威等,日前到葵興拍攝《網絡騙案》多場室內打籃球戲份,通告由晚上9時半至翌晨9時,入行多年的楊明也笑言破了一個通告最長紀錄,眾人更指會屈他請消夜,Hera就自薦請食早餐為大家打氣。

眾人身穿籃球運動衫拍攝,楊明表示求學時期經常打波,但近年太忙,已三年沒有正式打過:「戲入面我好勁,但係Hera仲勁,帶領我哋練波,聽講佢本身係中學校隊,等睇佢表演。(有冇入樽呢啲場面?)未必,始終戲入面都係業餘,如果係就留畀Hera。(你中學嗰陣打波係咪風頭躉?)普通係跳得高啲,我嗰陣係男校,冇女Fans,都冇話遺憾嘅,我哋有男校的浪漫。」

曾經係校隊的陳曉華,跳射冇難度。
  • 曾經係校隊的陳曉華,跳射冇難度。
楊明拍完通宵籃球戲。

  • 楊明拍完通宵籃球戲。

拍喊戲有天分

讀女校的Hera當年打籃球校隊,控球射波有板有眼,她透露當年有很多師妹Fans:「我打波好兇狠o架!都有師妹支持,覺得我呢個師姐打波幾型。」首次拍劇的她有大量追賊動作戲,愈拍愈好玩,吳嘉儀則指Hera獲導演讚喊戲有天分,夠晒感性。

另外,楊明昨日於將軍澳電視城開工,該劇原定本月7日拍完,現要延至本月10日,他透露計劃煞科後與女友外遊鬆一鬆。




鍾意就快D Share啦!