掃呢頁CODE去手機

2019年8月28日 星期三

英超Fever:曼聯有救!?伊巴謙莫域送魔迷最大喜訊 __,曼聯,

(GettyImages/互聯網)曼聯有救喇!新季踢3場失咗5分嘅「紅魔鬼」,整體發揮都仲係好飄忽,始終球隊欠缺一個經驗豐富嘅世界級大將壓場。不過,已 ...


(Getty Images/互聯網)


曼聯有救喇!新季踢3場失咗5分嘅「紅魔鬼」,整體發揮都仲係好飄忽,始終球隊欠缺一個經驗豐富嘅世界級大將壓場。不過,已經去咗美職發展嘅前曼聯巨星伊巴謙莫域突然放風,話如果曼聯需要佢的話,可以隨時返嚟喎!

「紅魔鬼」上輪輸咗畀水晶宮,反而「呂布」喺美職又一次梅開二度,今季腳風勁順!事實上,曼聯依家前線喺賣走盧卡古,A山又勢被外借之下,就只得兩個年輕射手拉舒福特同安東尼馬迪爾撐住,根本搵多個頂級射手返嚟,絕對幫到手,而考慮到「呂布」之前效力曼聯一季半就轟入29球,已經徹底傷愈嘅佢,肯定係增兵理想人選。

依然寸爆嘅伊巴謙莫域話:「我仲可以輕輕鬆鬆喺英超立足,如果曼聯需要我,我就喺度!當然,我依家係屬於洛杉磯銀河,唔好意思。我係歐洲揚名立萬,我享受呢個過程,我已經贏咗33個冠軍獎盃,我希望再贏多個。然後,大家可以睇吓我嘅冒險之旅係點結束?」根據英國傳媒建議,曼聯可以考慮喺冬季轉會窗外借伊巴謙莫域返嚟撐吓場。

對於「紅魔鬼」近況,原來「呂布」一直有留意:「我睇咗曼聯上場比賽,其實好冇運,如果佢哋射入咗嗰球12碼,結果會完全唔一樣。」伊巴謙莫域仲話自己同保羅普巴傾過,畀咗啲意見對方,但就唔想公開喎!

立即參加「賞您睇」: https://tinyurl.com/y2e6pmwk 

Click下面粒掣,儲on.cc coins!機票、家電、超市禮券、過萬份獎品等緊你。




來源 source: http://hk.on.cc
鍾意就快D Share啦!