昨日市民自發大埔遊行之後，入夜開始轉戰各區，示威者更一度快閃到達紅磡海底隧道向香港方向出入口，並帶同鐵馬等路障進行封路。其後網上流傳一條片段，是一名紅隧的職員鬧爆示威者：「我寧願早啲收返畀阿爺管治，都唔要你班打靶仔喺度阻住我...」而陳小春昨晚曾一度在IG貼出這條影片。
陳小春昨晚12點左右，在IG貼出紅隧阿姐的影片，大量網民也有留言，有少數打簡體字的網民支持陳小春：「講得很好！」、「我其實覺得沒說錯，香港就是屬於中國。你不喜歡做中國人你就走或者你移民，為甚麼把那些希望留在香港生活的人弄得雞犬不寧。」連陳蕊蕊也有讚好。
但也有大量網民留言對陳小春表示不滿：「咁送Jasper返大陸讀書啦。」、「失望。」、「咁你記得X畀你個仔出國，留喺中國，咪做打靶仔啊！」、「你移民返大陸啦，成家唔好返香港。」、「為人民幣出賣良知！可憐Jasper有你咁嘅爸爸！」但陳小春在貼出影片1個小時後，便立即把影片刪走。
------------------------------
【每周送10萬】
升級壹會員獨家尊享，立即參加10萬火急大抽獎!
*推廣生意的競賽牌照號碼：52302-9
|
鍾意就快D Share啦！
|
|
|
