前香港游泳代表方力申（Alex）加入娛樂圈多年，11月挑戰環島游，為積極備戰，他要作息定時，注意飲食健康及戒酒，笑言怕到時游12個鐘要大便就麻煩，目前一星期練習6次，怎料方力申練水練到嘔。
方力申今日在IG分享貼出兩條片，他在海中拍片說：「大家好，仲有差唔多兩公里就到淺水灣，我兩公里之前，跟隊友講Bye Bye，其實唔畀一個人游，但係我頭先都講過好頭痛，咁頭痛喺海再等就更加暈，因為啲海浪，我話唔得，我寧願慢慢游，你哋一陣追到我就追，如果再停喺度再曬住，我塊面又曬到有啲痛，我唔掂我會嘔，其實我而家都可以嘔。」
接着另一條片，見方力申扣喉，噴射式連嘔4次，學阿姐話齋睇到心都離一離，他寫道：「游到嘔：Warning……以上片段會引起觀眾不安，反胃甚至想嘔，因為片段拍攝到我在海中嘔吐的過程，不想看的請別swipe left看下一段視頻。游海真係唔簡單，容易脫水容易中暑容易嘔，點解我要咁辛苦，同情我請捐款。」今早方力申仍然繼續努力，早上5點幾起身，出發游早水。
-----------------------------
【撐學生】
召集有心人 撐學生全年睇《蘋果》
立即按此
|
鍾意就快D Share啦！
|
|
|