2019年9月29日 星期日

意甲:A山翻生堅全能 1場入波>喺曼聯全季! __,曼聯,

(美聯社)即睇全場入波精華:https://bit.ly/2mw9mJn 阿歷斯山齊士喺曼聯係草,去到國際米蘭就變寶!意甲國米作客森多利亞,A山首次正 ...


(美聯社)


即睇全場入波精華:https://bit.ly/2mw9mJn 


阿歷斯山齊士喺曼聯係草,去到國際米蘭就變寶!意甲國米作客森多利亞,A山首次正選出場頭22分鐘攻入2球,已經多過上季於曼聯嘅總入球。A山今戰做晒主角,換邊後2分鐘就因為於禁區內插水領第2張黃牌被趕出場,神又係你、鬼又係你,邊夠你玩呀。國米雖然打少1個,但最後依然贏3:1,曼聯依家傷晒前鋒咁滯,唔知會唔會掛住A山呢?


A山喺2018年1月,領50萬周薪轉投曼聯,之後就冇腳好波,上季直頭變隱形人,全季佢20次於英超出場,入得1球咁大把,表現直達災難級,去到人見人憎嘅地步。今夏佢終於成功離開曼聯被借到國米,於開季2仗後備出場後,到今戰終於正選出場。


呢名7號仔於領隊干地麾下脫胎換骨,20分鐘史提芬奴辛斯遠射省中A山背脊反彈入網,A山去到國米咩運都返晒嚟;22分鐘隊友遠射軟弱無力,A山去到門前補多腳射成2:0,半場未踢夠,入波已經多過喺紅魔鬼成季。


A山今仗表現勁落力,上半場就因侵犯對手領黃,到47分鐘佢於對手禁區內跌低,球證話佢插水畀多張黃牌佢,A山踢咗半場多啲就領紅出場。好彩佢早早為國米奠下勝基,最後贏3:1攞齊3分,帶領藍黑兵團開季6連勝高踞榜首。


曼聯今夏放走盧卡古同A山,佢2個都於國米發光發熱,反而曼聯就黑過墨斗,現時拉舒福特同安東尼馬迪爾都受傷,周一深夜對阿仙奴只能用17歲小將格連活特攻堅,認真慘情。


立即參加「賞您睇」:https://tinyurl.com/y2e6pmwk 
Click下面粒掣,儲on.cc coins!機票、家電、超市禮券、過萬份獎品等緊你。



來源 source: http://hk.on.cc
鍾意就快D Share啦!
Related Posts Plugin for WordPress, Blogger...