Boy’z成員Steven(張致恒)月前為一堆情債收拾好殘局後，先為人父再當人夫嘅佢，亦正式成家立室。今日抱住五個月大的可愛兒子天寶，與粉絲女友雯雯排除萬難行禮結婚，成為夫妻。
今早近十一點，Steven抱住B仔落車，穿上白紗短裙嘅雯雯，同Steven一樣著住波鞋到場。曾跟Steven一齊租屋住嘅張彥博，及他的前經理人Kitty媽，有出席見證這位兄弟成家立室。
一對新人宣誓時，Steven雖無爆喊，但就緊張到全程流汗，老婆雯雯仲緊張到將「我向在座各位見証」，讀錯成「我向在床……」，即時笑爆全場，緊張氣氛逆轉。
禮成後，一對新人見傳媒，全程負責抱B嘅Steven話:「好想用自己去證明會做番好，為家庭努力，希望大家畀多次機會我，喺度同大家道歉，困擾到大家唔好意思，我會好好改過，好好咁鍚老婆同bb，對老婆一心一意。」對於老公愛的宣言，雯雯好怕羞只係點點頭講咗句:「多謝。」
雖然之前情債新聞影響咗工作，但Steven話月底返內地為網片開工。「希望越做越好，我反省咗一個月，每日好好照顧老婆同仔，一日煮三餐，大個仔唔再犯錯。」至於英皇一眾好友如Kenny，Twins沒到場觀禮，甚至之前Twins嬲到取消關注他ig割席，Steven話同兄弟Kenny心照，亦明白Twins嬲佢係啱嘅，佢只希望用時間同行動去証明自己會改過。之後到佐敦與一眾親友食飯。Steven現努力儲錢，安排明年9補辦婚宴。
來源 source: http://nextplus.nextmedia.com
|
鍾意就快D Share啦！
|
|
|