網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年9月26日 星期四

貼市貼士:【股民熱話】點解港鐵咁多壞消息 股價都咁硬淨? __,港鐵,

港鐵公司(00066)的壞消息不絕於耳,沙中線調查結果至今仍未見有結論唔在講,已公布今年中期業績倒退兩成,公司的信貸評級因香港降級而被下調。另外,在近 ...




港鐵公司(00066)的壞消息不絕於耳,沙中線調查結果至今仍未見有結論唔在講,已公布今年中期業績倒退兩成,公司的信貸評級因香港降級而被下調。另外,在近三個月的社會事件中,公司的車務大受影響、近期更出現列車脫軌的嚴重車務事故、還有何文田站上蓋物業項目打樁期間附近建築物出現沉降而須停工等。諸如此類的利淡消息接踵而至,但見港鐵股價至今仍企在44至46元水平,第三季以來表現只是略為跑輸大市,嚴格而言都算是硬淨!


有股友問,點解港鐵股價可以咁硬淨,想40元樓下撈貨,等到頸長!要解開呢個疑團,大家可以上港交所(00388)披露易網站查閱中央結算系統持股紀錄查詢服務,睇睇港鐵的股權結構。


撇除港府目前持有港鐵75%股權外,街貨中,468個參與者合共持有港鐵19.38%股權,相信唔少都係機構投資者。在這19.38%街貨之中,首六大持倉已佔14.39%街貨,可見股權相對集中。班芬佬坐定定唔沽貨,散戶想低買港鐵自然有難度。


咁係咪即係話,港鐵股價唔會再跌?呢個問題就兩睇。事實上,沙中線已暴露港鐵的管理問題,事件還須待調查報告詳述過程,到底這條鐵路何時才能全線通車,亦存在好多未知數。此外,近期社會活動矛頭經常指向港鐵,造成設施破壞及提早暫停服務等問題,對車務的影響仍有待評估。若非目前樓價跌幅尚算有限,港鐵持有的鐵路上蓋發展項目成為未來數年香港新房屋供應的主要來源,資產有價支撐住股價,睇怕班芬佬都唔會咁老定!


從另一角度睇,未來港鐵股價會否加快調整,關鍵頗視乎樓市。若樓市大跌,港鐵的資產價格亦會受到重大影響,從而拉低估值。總而言之,凡是基金股,股價升的時候如放紙鳶,但跌起上嚟大撼大又可以跌得好甘。到底未來會點走,就要睇實樓市洞悉資金風向!


東方產經專欄作者股博士


------
立即參加「賞您睇」:https://reward.on.cc/theclub/promote/index.html
Click下面粒掣,儲on.cc coins!機票、家電、超市禮券、過萬份獎品等緊你。



來源 source: http://hk.on.cc
鍾意就快D Share啦!