警方前日呼籲巿民不要外出，但馬蹄露前日傍晚6時許卻現身旺角，更與示威者互相指罵而且嘴角血流如注，有指馬蹄露先郁手打人遭「私了」，激動之下更向黑衣人起飛腳。被打後的馬蹄露表現驚慌，最後由一名女士及外籍男記者陪伴下，邊喊邊行去旺角警署，馬蹄露說：「佢哋喺度毀爛中國銀行嘅櫃員機，我影佢哋，跟住佢哋就衝嚟打我，搶咗我個電話。」有記者問她拿回電話了沒有，她說：「我攞番，但爛咗。」之後馬蹄露走入警署。
記者聯絡馬蹄露，但她未有回覆。記者致電馬蹄露好友嚴淑明，她說：「好憤怒，唔係顏色問題，係唔應該打人，佢又唔聽我哋講，叫佢唔好出去，係都要去。」嚴淑明隨後透露，馬蹄露下巴和後腦要縫針，幸傷勢未有影響外觀。於凌晨時分，嚴淑明上載了一張握着馬蹄露手的照片，並寫上：「緊握馬B的手不放，為你感到驕傲。」馬蹄露多次在社交網發表撐警言論，把示威者比喻成「垃圾」，「共青團中央」晚上就在微博點名表揚她。
相關新聞：周國賢反擊內地網民：打好繁體字
| | |
阿檸斥：濕X藍絲
阮民安則在fb鬧爆馬蹄露：「無端端有人埋嚟影X你大頭，你都X佢你無端端走去影人做乜X箒，之後仲要起飛腳踢人，拍真情咩。」商台DJ阿檸也留言：「唔關職業事，你只係一個濕X藍絲，同全世界嘅自私精一X樣。」另外，黃夏蕙晚上在fb表示：「知道老友馬蹄露受傷，我個心好唔舒服！」不少網民也紛紛留言鬧馬蹄露：「被獅鳥係佢平日言論同多管閒事有關，睇個樣，已好留手。」有網民更笑說：「有可能係收維穩費出來搞事，睇佢幾快被內地媒體採訪！」
採訪：魯吉
|
鍾意就快D Share啦！
|
|
|