無綫藝人陳偉琪憑劇集《愛．回家之開心速遞》中「細龍太」一角成功入屋，可惜上周五她駕駛寶馬房車，載同女助手在跑馬地成和道，與一輛落斜往灣仔行駛的的士相撞，隨後陳偉琪接受酒精呼氣測試，結果超出規定2.5倍。除了或面臨刑責外，有指陳偉琪隨時被無綫雪藏。不過，陳偉琪昨日極速復工拍劇，提到涉酒駕一事，獲無綫放生的她爆喊道歉，坦言怕影響劇集收視。
相關新聞：【蘋聞重溫】政治及哲學畢業擅彈豎琴
現年28歲的陳偉琪上周五晚涉嫌酒駕被捕，其後獲准保釋，須於下月下旬向警方報到。事隔三日，昨日她迅速復工返電視城拍《愛．回家》，穿上白色衫的陳偉琪拿着紙巾現身，表情沉重。
| | |
知錯頻講對唔住
對於涉酒駕被捕，是否很擔心？陳偉琪聲震震，邊說邊飲泣：「其實都冇得再擔心，因為真係做錯咗，真係好對唔住所有影響過嘅人，呢兩日喺屋企閉關反省，做錯嘢影響屋企人、劇組，對唔住，身體冇大礙，多謝大家關心。」問到工作有否受影響？她說：「有好多人想多謝，件事發生咗後，好多人關心畀機會我，多謝珍姐、監製祥仔畀機會我，暫時未受影響，佢哋教我處理事情同問候我，仲要多謝同劇組嘅大小姐（林淑敏）、送水輝（許家傑）、細龍生（鄭世豪），佢哋好維護我好支持我，好感動，好對唔住屋企人，之前諗住車佢哋周圍去，𠵱家要阿媽車我。」
相關新聞：【蘋聞重溫】心穎偷食極速解凍
怕影響劇集收視
陳偉琪更聲言以後會節制飲酒，更考慮戒酒：「我知錯，嚟緊工作會努力面對，希望做番好每一個角色，盡量透過《愛．回家》劇組帶多啲正能量畀大家，希望睇到進步嘅我。」問到是否怕形象影響劇集收視？她口窒窒說：「我擔心自己真係影響到大家，𠵱家只可以講sorry。」至於戲份有否受影響？她說：「暫時就未有。」至於當日情況，她表示已進入司法程序，不方便透露：「我係做咗一個愚蠢決定，影響到公司同屋企人，真係想同大家講對唔住，特別對唔住幾位拍檔。」
至傍晚6時15分，陳偉琪收工離開電視城，由於她座駕日前撞毀，離開時要由滕麗名接載。陳偉琪見記者追訪時，都一度打開車窗說：「唔該唔該。」之後滕麗名駕車接載陳偉琪返回大埔仔豪宅傲瀧寓所。其實，《愛．回家》早前曾宣佈明年加碼，一周播足七日，陳偉琪日前出席活動表示密密做很開心，並指她會與滕麗名、林淑敏三個麻煩女人擦出新火花。不過今次涉酒駕被捕，一度傳出陳偉琪隨時被雪藏，事關無綫為免得失客戶，一向要求演出藝人形象健康，而且處境劇的最高話事人曾勵珍，對藝人形象要求一向甚為嚴格。
採訪、攝影：梁繼光、朱志聰
|
鍾意就快D Share啦！
|
|
|
