41歲楊思琦今日傳出大肚，她接受《蘋果》電話訪問直認懷孕，並驚爆已於今年年中在外地註冊，因為老公是圈外人，所以想保持低調，但不會退出娛樂圈，下月繼續為賈思樂演唱會擔任嘉賓。
65歲賈思樂將於下月假文化中心舉行2場演唱會，請了楊思琦、毛舜筠、戚美珍等6位女藝人擔任表演嘉賓，對於思琦宣佈大肚，賈思樂接受《蘋果》電話訪問說：「我今日先知，戥佢非常開心，從未試過同大肚婆唱歌。」問到會否對大肚思琦加以照顧？賈思樂說：「因為合唱情歌，唔使點郁，應該ok，我都會好好照顧佢。」
賈思樂透露兩人會合唱張學友的英文歌：「佢話想畀大家一個驚喜，英文歌又係我強項，佢仲會獨唱兩首歌，佢都好興奮好認真，佢以前出過唱片，唱得相當唔錯，但冇乜人知佢係歌手。」而敖嘉年亦戥思琦開心：「收得好密，咁梗係恭喜佢，最重要開心同健健康康，不過我都好耐冇見佢，因為大家都忙。」
來源 source: http://hk.entertainment.appledaily.com
|
鍾意就快D Share啦！
|
|
|