掃呢頁CODE去手機

2019年10月31日 星期四

陳貝兒:獲海外人妻安排相睇!陳貝兒願做小鳥依人 __,陳貝兒,

陳貝兒話暫時都有兩、三個有聯絡。藝人陳貝兒(Janis)抱病現身新城電台接受薛家燕訪問,講到由她主持的《嫁到這世界邊端3》播出後口碑不俗,她開心指收視 ...


陳貝兒話暫時都有兩、三個有聯絡。


藝人陳貝兒(Janis)抱病現身新城電台接受薛家燕訪問,講到由她主持的《嫁到這世界邊端3》播出後口碑不俗,她開心指收視打破上兩輯成績:「發現每次節目出街我就會病,上年播《嫁2》就腎有事入院,今次就睇咗3次醫生都未好,但如果病得嚟個反應會好,我又唔介意病,可能好緊張收視,每輯都想帶啲新鮮感畀大家,好多人都期待緊下星期播嘅男男Pair,佢哋真係好Sweet㗎!」


「嫁到非洲都OK」


Janis笑言私下仍有跟參與過拍攝的人妻聯絡,甚至開了一個群組,組成「人妻同學會」:「3輯加埋有成20幾個人妻,日日都好嘈,會講煮嘢食、湊仔心得、產前產後護理,比利時人妻生咗5個,最多、最有經驗係佢。(有邊個地方你會想嫁過去?)搵到自己鍾意嘅,嫁到非洲都OK!雖然非洲啲男人好大男人,但換個角度睇,嗰種係男兒氣概嘅承擔、一夫當關,有嘅話我都願意做小鳥依人。(幾時到你Sweet?)依家病咗都想有人照顧我,煲粥畀我!」續自爆有人妻不斷幫她安排相睇:「喺Group介紹佢哋老公啲表哥、表弟畀我,暫時都有兩、三個,做住朋友傾吓偈先。」


諗過搵人夫再拍


講到之前曾指今輯會是最後一輯,Janis表示:「監製一早講咗,睇吓佢會唔會心軟。(或者做『人夫』?)有諗過㗎!但相對難搵,唔知佢哋願唔願意喺鏡頭面前講心事,不過男人跟個老婆去住係幾有趣。」


---------------
立即參加「賞您睇」:https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。



來源 source: http://hk.on.cc
鍾意就快D Share啦!