掃呢頁CODE去手機

2019年10月26日 星期六

李家鼎:C1:李家鼎中環食店下月執笠 __,李家鼎,

社會動盪,難捱80萬貴租,李家鼎中環食店下月執笠,他坦言:「長痛不如短痛。」藝人李家鼎(鼎爺)近年跳入飲食界大展拳腳,可惜因近期社會氣氛不明朗,經營壓 ...


社會動盪,難捱80萬貴租,李家鼎中環食店下月執笠,他坦言:「長痛不如短痛。」


藝人李家鼎(鼎爺)近年跳入飲食界大展拳腳,可惜因近期社會氣氛不明朗,經營壓力上升,他有份投資、開業一年多的中環食店宣布下月結業!不過,他強調未有因經營困難而裁員或逼員工放無薪假,又希望有白武士打救保住食肆招牌,令餐廳可以重開!


因拍攝無綫節目《阿爺廚房》而大受歡迎的李家鼎,近年進軍飲食業,與友人合資開設三間食肆,其中「鼎爺私房菜」中環分店「鼎會館」於去年9月開業,投資額達1,500萬,據知上址同類型食肆月租高達70至80萬!生意原本不俗,可惜因近期社會動盪,經營愈見困難,前日該店公布將於下月22日結業,而其餘兩間食店則繼續營運。


冇打算裁員:做咁耐感情好


正忙於拍攝新一輯《阿爺廚房》的李家鼎,昨日於將軍澳電視城接受訪問,對於餐廳結業大感可惜:「冇辦法咁嘅環境,可能係上天安排!」雖然決定結業,但他強調未有因環境變差而向員工開刀:「我哋冇開除過任何一個員工,冇話叫人放10日無薪假!我哋盡量做到令員工舒服,有啲員工聽到消息都好唔開心,唔係冇咗份工嘅問題,而係我哋上上下下都好似一家人,佢哋為我哋而唔開心!呢個時勢係咁,啲客都唔敢嚟食,我希望短期內可以重開,或者有冇白武士幫吓手保留我哋個鼎會館,我都萬分多謝。(捲土重來?)希望(另外兩間食店點?)托賴仲好好,冇乜大影響。」


提到前晚向他了解結業時,在電話中稱未知結業,似是「被通知」,李家鼎解釋:「早兩日拍檔同我講咗有咁嘅預算,長痛不如短痛,到正式時會話畀我聽。我尋日拍外景,有記者問我(結業),我話未肯定,因為要同拍檔開咗會肯定咗先公布,後嚟同拍檔傾咗覺得係時候講。」


他指餐廳開業一年多,有近30名員工,問到會否將他們調往另外兩間食肆?他說:「要同拍檔商量點做,其實一兵一卒我都唔想浪費,大家做咗咁耐感情好好!我哋成日嘻嘻哈哈,粗口橫飛好開心,好似大家庭。」食肆打開門便要成本,市況不景實在難以支撐,但李家鼎仍望有人投資扭轉局面:「有人食同冇人食差好遠,買咗料唔會隔夜,燈油火蠟水電乜都要運行,我希望有白武士出手。」


唔敢計蝕幾多:真係暈喺度


至於今次結業,蝕了多少錢?李家鼎則直言未敢去計:「冇喇!我唔計,遲啲睇吓點先計,咁樣計落去真係暈喺度。(結業前會唔會去餐廳坐鎮?)都會去,我耐唔耐都去。(搞餞別宴?)唔好搞呢啲嘢,睇吓點,我同拍檔商量睇吓件事點做先完美。」


莊思敏約多餐


李家鼎於中環開設的鼎會館開業以 來,吸引不少藝人慕名幫襯,如今結業實屬可惜。莊思敏曾幫襯他位於銅鑼灣的私房菜,昨日受訪時坦言對中環店結業的消息感突然,有意於結業前相約朋友飯敍:「冇辦法,呢個大環境因素,各行各業都遇到困難,希望所有 人都平安。鼎爺本身咁有水準,相信好快又會捲土重來再開番。」


羅霖嗌唔可惜!


同樣幫襯過銅鑼灣店的羅霖,對分店結業卻有另一 番見解:「唔可以話係可惜,佢有好多發展,又開燒味店咁, 仲開拍第三輯飲食節目!希望香港人呢段時間一齊共渡難關,各行各業係有影響!( 趁佢結業前再幫襯?)應該未有時間,11月要飛內地幾次,而私房菜要預早約,所以都難啲。」


李小龍猝逝 闖荷里活夢碎


形象粗豪、被指為「功夫佬」的李家鼎,銀色旅途充滿傳奇。本為「西關大少」、父親為廣州西關地主及酒樓老闆,他在耳濡目染下8歲開始學廚,學得一手傳統廚藝。走難來港後家道中落,李家鼎小五便輟學幫補家計,直至70年代加入娛樂圈。


由於當時李小龍的功夫電影大行其道,一身好武功的他本獲荷里活賞識,飛往美國發展,還簽下兩部片約,每部片酬為兩萬美元,已在洛杉磯睇樓作準備。可惜李小龍突然猝死,片商擔心功夫片會大不如前,立刻煞停計劃,令他的荷里活夢粉碎。


入行以來除了擔任武術指導,他又教授不少藝人、名人策騎,直至2016年主持《阿爺廚房》爆紅,成為事業高峰,並推出食譜及開食店。


更多新聞,請瀏覽東方日報網頁:



來源 source: http://hk.on.cc
鍾意就快D Share啦!