2019年11月2日星期六

林峯袁偉豪攜眷到賀取經 __,林峯,袁偉豪,

林峯袁偉豪攜眷到賀取經

昨晚不少圈中藝人到賀，當中快將結婚的林峯、張馨月拖手到場，拍照時林峯更提點未來老婆望鏡頭，認真細心。另一對情侶袁偉豪（Ben）與張寶兒亦甜蜜到賀，拍照時作狀咀嘴，昨晨有份觀禮的Ben說：「大家跑步有傾心事，依家佢成家立室，做個有腰骨嘅男人，好戥佢高興！（觀禮時有冇學到嘢？）點都吸收到啲。（幾時到你做有腰骨嘅男人？）幾時都要有腰骨，山聰攞咗牌，我排定隊囉！（有婚期？）快o架要夾好多嘢，有消息再公布！」

林峯帶埋未婚妻張馨月學嘢。

吳卓羲呻冇伴

山聰好友胡定欣與胡蓓蔚結伴到場，胡定欣穿黑色晚裝裙低胸上陣，直言興奮到失眠：「我哋係新郎哥嘅兄弟，又係姊妹身份，我同佢住同一條邨，所以又係邨民。大家識咗好耐，由同事、跑友變成依家嘅知己，見佢搵到一生至愛，好開心！」好兄弟吳卓羲則獨自赴會，問到為何沒有攜眷？他說：「我都冇，有啲失落，緣分到就有。呢排開工，我都想盡快有，林峯又爬埋我頭，我會努力」其他到賀藝人包括佘詩曼、曾志偉、陳煒、李施嬅、陳展鵬、單文柔與苗僑偉夫婦等，相當熱鬧！

佘詩曼	 姚子羚（左）與唐詩詠扮靚靚到賀。	 袁偉豪有計劃，張寶兒就快有「嫁期」！
 胡蓓蔚（左）悉心打扮，胡定欣低胸搶鏡。	 胡杏兒	 吳卓羲
 最佳拍檔李施嬅穿旗袍優雅現身。