伍詠薇身為陳山聰契姐，昨晚盛裝跟老公練海棠出席陳山聰的婚宴，她甫出現笑說：「大姑奶、大姑丈嚟嘞！」她笑言恨飲茶：「我都想，但我身份只係契家姐，但閂埋門佢一定要斟杯茶畀我飲，因為患難嘅姊弟唔容易。」伍詠薇預祝陳山聰三喜臨門，即結婚、得獎及生B，她指Apple令陳山聰有很大改變：「Apple簡直係我《97家有喜事》個名『賢淑』，佢係好靚嘅素人，斯文又大方，香港好老婆嗰種。」伍詠薇昨早在Ig貼出一張她流淚的自拍照，並hashtag一句：「我們姊弟感情經歷過山車般不容易」。當年陳山聰和超雲拍拖期間，伍詠薇與陳山聰斷交足足六年，直至前年6月他們在東京相遇食飯咀嘴牽手才冰釋前嫌。
相關新聞：【蘋聞重溫】《金宵》帶挈人氣升
| | |
此外，已入紙準備結婚的林峯及張馨月昨晚首度一同亮相出席婚宴，同場賓客還有佘詩曼、曾志偉、胡杏兒、胡定欣、胡蓓蔚、陳展鵬夫婦、馬德鐘夫婦、李添勝、李施嬅、袁偉豪和張寶兒及吳卓羲等，星光熠熠。
採訪：卓寶花
攝影：沈健程
來源 source: http://hk.entertainment.appledaily.com
|
鍾意就快D Share啦！
|
|
|
