多得崔碧珈陪伴 吳浩康唱情歌先有Feel
今日吳浩康（Deep）到商台宣傳本月30日假麥花臣舉行的音樂會，他直言一度考慮取消，但團隊卻非常期待今年能開騷，他說：「年頭已經話有紅館就開紅館，冇紅館都要做，感恩有場地能完成呢個心願。」Deep不諱言未能預測屆時的社會情況，只能當一切正常地去練習，兩個月前更學踩山地單車練體能，他指於上水天平山踩2小時後，再踩45分鐘到火炭，但會全副武裝上陣免受傷，又笑謂：「咁大個人，如果話畀人聽因為炒單車而返唔到工，都好低能啫！」
問到女友崔碧珈有否陪踩？Deep表示已荼毒女友踩車，還送了一架單車給對方作鼓勵。那麼新歌《愛沒懷疑》是否向女友派定心丸？他說：「唔關事，我出道初期曾錄過開心情歌，但效果唔好出唔到先避開呢類型，但今次寫到及唱到呢種歌要多得佢，因為我寫時佢都在場陪伴。」
來源 source: http://hd.stheadline.com
|
鍾意就快D Share啦！
|
|
|
