拍床戲笑到NG 朱晨麗跟千嬅陳煒鬧交分手痛心不捨
朱晨麗（朱朱）與楊千嬅、陳煒在新劇《多功能老婆》中演3位感情要好的姊妹，亦戲假情真，現實中真的變成了好朋友，朱朱最難忘拍攝3位閨蜜的一場床上戲，及一場3姊妹鬧交分手戲，也令她傷心難過。
朱朱坦言好懷念這場床戲：「床上戲主要係講我哋3姊妹攤喺床上討論下美容，又講下八卦嘢，又傾下心事，呢場戲好好玩，拍得好開心好舒服，我哋笑到要NG，次次都係忍唔住笑所以NG。」
除了床戲，朱朱謂仲有一場戲令她真的感到傷心難過：「嗰場戲講我哋3個要分開，姐妹之間難免有鬧交情況出現，我夾在中間，點樣去取捨？令到我好難忘，及真係好痛，個心好痛，因為拍時真係當咗佢哋兩個係姐姐，當然戲裏面係閨蜜，當你好投入時真係感受到嗰種痛，好唔捨得，而且拍呢場戲差不多到煞科，所以更加唔捨得，更加痛心，呢場戲好難忘。」
朱朱更稱讚楊千嬅真的好好戲：「無論千嬅喺出面幾多嘢做，又要做巡迴演唱會，又要拍電影，無論幾辛苦都好，她返到劇組都依然係一個好正能量的太陽女神，她的精神好值得我去學習，她的毅力非凡。人會熄機會累，但她都會帶返正能量畀大家，真係要學下，好欣賞她這種精神。」
朱朱表示拍這劇拍得好開心，拍完後她非常不捨，大家都有保持聯絡、約見面、食飯：「我哋3個變咗好朋友，千嬅會喺蘇州開演唱會，她邀請我同家人去欣賞，希望可以再一次親身去欣賞千嬅表演，學習她在舞台上的經驗。」
來源 source: http://hd.stheadline.com
|
鍾意就快D Share啦！
|
|
|
