熱爆娛樂: 【爆相爆片】57歲富婆關之琳包到冚孖肥叔叔結伴行山 _

2020年1月10日星期五

【爆相爆片】57歲富婆關之琳包到冚孖肥叔叔結伴行山 __,爆相爆片,關之琳,

57歲富婆關之琳（之之）經歷過兩次婚姻失敗，2015年跟第二任老公陳泰銘離婚後，之之享受單身女人的自由自在生活，至今未有傳出新戀情，不過，有朋友相伴的之之不愁寂寞，日前下午，之之和一位肥叔叔在山頂結伴行山，被讀者陳先生透過「爆相爆片」分享。

陳先生接受《蘋果》電話訪問表示：「大約3點幾，見到關之琳喺山頂盧吉道同個光頭男人行山，關之琳戴咗頂帽，同個男人邊行邊傾，聽到男人講廣東話，應該係香港人，年紀大約5、60歲；佢哋講吓沿途風景，主要都係男人講嘢多，聽到佢提到『好過住私家』，另外又講到『3萬蚊一個月收入，5,000攞去供寶馬，一萬蚊攞去交租。』好似傾緊財務分析。」

從讀者提供的「爆相爆片」，見到着黑色運動衫、戴黑帽的之之，雙手不時叉腰或保持在身後，而且兩人步履頗快，幾乎「逢人過人」，其間之之似乎發現讀者拍攝，即時拉低帽子遮樣，行到人多地方時更耷低頭，搞完帽又搞頭髮，十分姿整，讀者陳先生說：「佢哋表現唔似男女朋友，冇蹺手冇拖手，行完山就直接到山頂廣場停車場，應該攞車離去。」

（讀者提供圖片）	之之和肥叔叔結伴行山（讀者提供圖片）	 之之雙手叉腰，與肥叔叔沒有親密舉動。（讀者提供圖片）
 發現讀者拍照即耷低頭。（讀者提供圖片）	 兩人同行山頂。（讀者提供圖片）	 邊行邊傾，好融洽。（讀者提供圖片）