掃呢頁CODE去手機

2020年1月10日 星期五

【狗仔出更】李克勤陪「大老闆」食快餐 兩父子清理枱面有家教 __,李克勤,

攝影:朱志聰、吳耀輝
李克勤和港姐老婆盧淑儀結婚14年,育有12歲大仔Ryan和9歲細仔Rex,注重家庭生活的克勤,會親自湊仔返學,又暱稱兩個兒子做「大老闆」和「小老闆」, ...




李克勤和港姐老婆盧淑儀結婚14年,育有12歲大仔Ryan和9歲細仔Rex,注重家庭生活的克勤,會親自湊仔返學,又暱稱兩個兒子做「大老闆」和「小老闆」,日前克勤湊大仔放學後,兩父子去了銅鑼灣醫肚,食完後「大老闆」還動手清理枱面,表現得很有家教。



當日下午4時許,克勤父子在時代廣場的漢堡包店食快餐,同行還有克勤的助手,克勤背着門口而坐,着校服的「大老闆」戴黑框眼鏡,生得高高瘦瘦,樣子比較似媽咪,斯文乖仔,克勤不時跟助手傾工作,而「大老闆」邊食邊玩手機,睇到有趣東西就跟爸爸分享,看得出兩父子關係很好,不過,克勤表情就比較嚴肅。



其間克勤離座傾電話,回來時有fans邀合照,克勤都表現nice;醫肚之後,兩父子還好有手尾執乾淨枱上的垃圾,跟住克勤手指指,叫「大老闆」將垃圾拿去棄丟,之後「大老闆」捧着幾本書,克勤就一手拿着背囊,一手攞兩袋外賣離去。



剛食完下午茶的「大老闆」,見到隔鄰的連鎖茶店「喜茶」又想光顧,廿四孝老竇克勤入茶店望一望,之後叫助手排隊買茶,兩父子先行去lift口等候,克勤邊行邊睇手機,等助手買完茶後急步離去。



採訪、攝影:朱志聰、吳耀輝



攝影:朱志聰、吳耀輝  克勤湊「大老闆」放學後,齊齊去醫肚。 克勤湊「大老闆」放學後,齊齊去醫肚。
 「大老闆」睇到得意事物,會跟爸爸分享。

「大老闆」睇到得意事物,會跟爸爸分享。
 食完兩父子夾手夾腳清理枱面。

食完兩父子夾手夾腳清理枱面。
 克勤樣子比較嚴肅。

克勤樣子比較嚴肅。
 指點「大老闆」去丟垃圾。

指點「大老闆」去丟垃圾。
 12歲的「大老闆」生得高高瘦瘦。

12歲的「大老闆」生得高高瘦瘦。
 克勤邊行邊睇手機,好匆忙。

克勤邊行邊睇手機,好匆忙。
 兩夫妻恩愛多年。

兩夫妻恩愛多年。
 「小老闆」(紅色球衣)愛踢波。

「小老闆」(紅色球衣)愛踢波。

鍾意就快D Share啦!