認有心水筍盤介紹 洪永城讚湯洛雯係好老婆
洪永城（Tony）、湯洛雯（靚湯）和劉思希等今日出席劇集《丫鬟大聯盟》宣傳活動，提到主演劇集正雙線同時播出，問到可怕觀眾看厭？Tony表示幸好不是同年代，那麼怕觀眾定女友梁諾妍看厭？他笑謂：「最近的確係少見咗，因為忙於宣傳，但係最緊要係觀眾唔好睇厭。（梁諾妍日前大爆已接受同居要求！）佢噚日有做訪問咩？其實一向都有呢個計劃。」隨即扯開話題，Tony大讚靚湯不只是好丫鬟，更加是一個好老婆，因拍攝時對所有人都照顧有加，靚湯笑道：「佢有問我有冇拍拖，咁我梗係答冇又話介紹啲兄弟我識，都係冇下文。」對於Tony強調會對現承諾亦有心水推介，她笑說：「其實佢唔係第一個話介紹男仔我識，其實我都唔急。」
至於《丫》劇播出後可有聯絡黃心穎？Tony表示心穎回港後有不少相關，認為需要給予時間她休息，他說：「心穎有喺群組祝大家新年快樂。」另外，日前播出劉思希勾引謝東閔一幕，其表現引起不少話題，問到本人是否同樣「咸濕」？她笑說：「『咸濕』都係人類性情嘅一部分，我都好鼓勵女仔要主動一啲。而我年紀亦唔細，不過就唔會好似劇集入面咁主動。」
來源 source: http://hd.stheadline.com
|
鍾意就快D Share啦！
|
|
|
