現年55歲的無綫藝人曹永廉早前偕老婆姜依蘭及仔女，與好友楊明、莊思明、李霖恩、姚瑩瑩及李嘉等去灣仔警察總部撐警，合照事後在社交網流傳，惹起網民爭議，多間曾跟曹永廉合作的公司分別在網上發聲明跟他割席，包括他曾任代言4年的皇冠牌爐具、曾合作的珠寶品牌MaBelle及西裝店MODE by Eddie Tam。曹永廉早前到泰國旅行，又被爆料指他兩夫婦在當地逛街時遇到兩位港人，被指「撐警奀星」，曹永廉疑發爛渣當街鬧人。
曹永廉近日在港疑因形象大跌未有工開，早前「公益金百萬行」無綫派近80位藝員撐場，列出名單包括曹永廉，但當日不見他出現。自稱是「中國香港演員」的他，大前日如願以償上大灣區開工，以一身藍色西裝打煲呔到佛山出席粉絲見面會。曹永廉落車時，即獲大批擁躉迎接，有女影迷一見偶像更高呼「好帥呀」，又獲大會安排斟結婚用的香檳塔，曹永廉卻不介意斟得好開心。
黑社會《友情歲月》
曹永廉出席見面會舉動，被大批香港網民狂鬧，嘲他「勁惡心」、「垃圾人渣一個」、「就留低喺大灣區繼續奶囉，千祈咪返落嚟」、「冚埋國旗吖嘛！」有網民叫他「去埋武漢阿爺嗰邊𠵱家要人呀！」又有網民指出：「《友情歲月》背景係黑社會，果然同支旗有莫大關係。」更有網民留言：「靠唱衰自己人博上位嘅人會俾人睇得起？你啲後代將來都以你為恥當你小丑咋！」並揶揄：「佢老婆、仔女取消加籍未？」
撰文：翁可人
|
鍾意就快D Share啦！
|
|
|
