掃呢頁CODE去手機

2020年1月8日 星期三

【爆相爆片】方媛帶囡囡去嘉年華 童心未泯自己玩埋一份 __,方媛,爆相爆片,

(讀者提供圖片)
天王郭富城婚後和太太方媛努力造人,兩年抱兩。繼2017年生了大女大寶(Chantelle)後,去年4月方媛再為城城誕下幼女二寶(Charlotte), ...




天王郭富城婚後和太太方媛努力造人,兩年抱兩。繼2017年生了大女大寶(Chantelle)後,去年4月方媛再為城城誕下幼女二寶(Charlotte),更有傳二人會繼續追仔。婚後在港生活的方媛,連父母都搬來港住,方便幫手照顧一對孫女。



日前《蘋果》讀者劉小姐透過「爆相爆片」,在中環嘉年華遊玩時,遇到方媛帶着2歲的大女Chantelle,以及方媽媽和女傭一齊到來。當日大約黃昏5點左右,方媛和囡囡Chantelle,穿同色外套儼如母女裝來到嘉年華現場,劉小姐表示當時見到方媛戴住帽,看上去好像沒有化妝,劉小姐說︰「佢好似冇乜點化妝,睇落個樣幾靚幾清純,現場都有啲人認得佢。」



在劉小姐拍到的相及片段中,可見方媛行到一個斜台前,想同囡囡一齊玩,不過囡囡仍很年幼,不太懂玩甚麼的樣子,但方媛如小朋友般,自己走埋去玩,還助跑幾步走上去,與其他在場小朋友一齊玩,劉小姐說︰「見佢同其他小朋友都好融洽,佢好似後生女咁好活躍,自己玩多過囡囡玩,佢都幾童真。」至於囡囡Chantelle,由婆婆拖實站在旁邊看媽媽玩,後來方媛同方媽媽一齊拖住囡囡走上斜台,小Chantelle差點坐落地。劉小姐還表示,覺得Chantelle好得意,還聽到她跟婆婆和媽媽以普通話對答,相當可愛。



劉小姐更因為這次相遇,而對方媛有所改觀,她說︰「以前對佢冇乜好感,覺得佢有啲作狀,不過今次見到佢,又唔覺得佢係咁。佢喺我面前經過,見到我影相,佢唔單止笑笑口,佢仲企定畀我影,覺得佢都幾nice,都有啲改觀。」



(讀者提供圖片) 方媛和媽媽帶大女去嘉年華。(讀者提供圖片) 方媛和媽媽帶大女去嘉年華。(讀者提供圖片)
大女Chantelle拖實婆婆。(讀者提供圖片)

大女Chantelle拖實婆婆。(讀者提供圖片)
方媛如小朋友般,玩埋一份,跑上斜台。(讀者提供圖片)

方媛如小朋友般,玩埋一份,跑上斜台。(讀者提供圖片)
方媛得知有人拍照時,沒有抗拒還笑笑口。(讀者提供圖片)

方媛得知有人拍照時,沒有抗拒還笑笑口。(讀者提供圖片)
早前郭富城與太太方媛,帶住大女去打邊爐。(資料圖片)

早前郭富城與太太方媛,帶住大女去打邊爐。(資料圖片)

鍾意就快D Share啦!