掃呢頁CODE去手機

2020年1月4日 星期六

李施嬅:【笑到癲】定欣攞老飛躍 杏兒竟然獲頒… __,李施嬅,李詩韻,胡定欣,胡杏兒,

笑死人咩…憑無綫大熱劇《金宵大廈》爆紅嘅李施嬅,獲網民封為「民間視后」,日前佢仲獲送上《萬千星輝頒獎典禮》視后小獎座,一班好姊妹梗係戥佢高興啦,仲齊齊 ...




笑死人咩…


憑無綫大熱劇《金宵大廈》爆紅嘅李施嬅,獲網民封為「民間視后」,日前佢仲獲送上《萬千星輝頒獎典禮》視后小獎座,一班好姊妹梗係戥佢高興啦,仲齊齊約埋食飯gathering!施嬅仲帶埋小獎座出席,即席大玩頒獎禮!


同樣因為《金宵》而首度入圍提名最佳女配角嘅趙希洛,就獲送上「女配角」獎座,但搞笑被黃智雯以佢喺劇中嘅「癲婆」嚟形容!而曾經攞過視后嘅胡定欣就笑言自己獲頒「飛躍進步女藝員」,即惹嚟從未得過此獎嘅施嬅搶獎,定欣即話:「你今年實有獎呀!」之後大家就笑言係「老飛躍」,場面非常搞笑!


不過好戲在後頭,輪到「三料視后」胡杏兒時,佢就話:「我知大家頒咩獎畀我!」原來就係「萬千光輝演藝人大獎」,接過獎座嘅杏兒就笑謂:「呢個獎好重…」真係笑死一班網民!而佢哋都紛紛留言希望佢真係攞到視后,「你今套劇真係演得好好 👏」、「視后一定係你」、「我都希望你拎到👍🏻」結果係點,到時大家要留意喇…

來源 source: http://hk.on.cc
鍾意就快D Share啦!