掃呢頁CODE去手機

2020年1月22日 星期三

黃心穎:舊愛黃心穎暴瘦 馬國明:佢Keep Fit啫! __,馬國明,黃心穎,

馬國明叫黃心穎加油呀!無綫劇集《白色強人》在無綫台慶頒獎禮奪得「最佳劇集」大奬,憑劇中角色「唐明」奪得「視帝」的馬國明自掏腰包於尖沙咀舉行慶功宴請台前 ...




馬國明叫黃心穎加油呀!


無綫劇集《白色強人》在無綫台慶頒獎禮奪得「最佳劇集」大奬,憑劇中角色「唐明」奪得「視帝」的馬國明自掏腰包於尖沙咀舉行慶功宴請台前幕後食飯,出席演員包括郭晉安、唐詩詠、李佳芯、張曦雯等,無綫高層曾勵珍現身支持更即席宣布籌備開拍《白色強人2》。


問到舊愛黃心穎可有恭喜他得獎?馬國明表示黃心穎有傳短訊恭喜他,亦有以多謝回覆並叫對方加油繼續努力。問到黃心穎可有約食飯慶祝?馬國明說:「咁又冇。(心穎暴瘦?)我諗佢keep fit啫。(會否關心一吓對方?)我哋係朋友,每個朋友我都想佢好。」


抵價等出騷


馬國明透露新年會到內地和星加坡登台,談到武漢肺炎疫情持續擴散,他說:「我去廣東,但係都會做好防禦措施,例如戴口罩,同觀眾握完手都會洗手,握手氣氛好啲嘛。(酬勞好好?)Ok啦,因今年經濟麻麻,積穀防飢,以前呢個時候好多Annual Dinner活動,今年得番一、兩個。(加價?)唔敢加價,亦唔介意平少少,一個字抵,好過坐喺度。」


馬國明表示指還未與一班「鐵馬家族」的兄弟姊妹慶祝,因大哥鄭嘉穎忙於湊仔最難約,林子善亦不在港,希望新年後能聚會。問到馬國明會否又買樓獎勵自己?他笑說:「你估我中咗八千萬六合彩呀。(多咗好多廣告出街?)都係攞獎前拍嘅。」


黃心穎又出動


另外,明天31歲生日的黃心穎又再出動,她於IG上載最新圖片,見她穿上Sport Bra趴在地上,似是剛做完運動,她以英文留言:「隨住年齡增長,你會知道最好嘅禮物唔使點包裝,希望身體健康同內地平靜。」

來源 source: http://hk.on.cc
鍾意就快D Share啦!