掃呢頁CODE去手機

2020年2月11日 星期二

【老婆在大陸】李龍基被踢爆背妻出軌 借成龍偷食金句自辯 #中國 #大陸 #成龍 #李龍基

68歲資深藝人李龍基爆出婚外情疑雲,繼去年被《蘋果》踢爆與長髮女摸大髀後,日前又被影到與長髮女蹺手行旺角兼送名牌袋,對於傳出背妻偷食,《蘋果》致電基哥 ...




68歲資深藝人李龍基爆出婚外情疑雲,繼去年被《蘋果》踢爆與長髮女摸大髀後,日前又被影到與長髮女蹺手行旺角兼送名牌袋,對於傳出背妻偷食,《蘋果》致電基哥了解有否出軌,他說:「er,呢個我保持秘密,用一句成龍大哥嗰句,哈哈,唔需要擔心呀。」成龍偷食金句:「犯咗全天下男人嘅錯」果然好用!

問到跟長髮女的關係,基哥嘆氣:「唉!朋友嚟嘅,只不過,間中見吓面啫,冇需要大驚小怪。」但被影到親密蹺手行街,基哥咿哦說:「我哋啲...多數都係咁,冇需要大驚小怪,普通朋友,好可能我哋親熱啲、熱情啲,仲有,佢係美國返嚟,遲啲佢又返美國,冇嘢㗎,如果唔係都唔會帶佢出去食吓飯,見吓啲朋友,唔好大驚小怪。」

點解唔帶埋太太一齊去街?基哥吞吐說:「無謂啦,費事啦,呷醋嘛,得啦,我會小心啲。」記者指既然都知太太呷醋,點解一次又一次跟長髮女約會?他重複說:「得㗎啦,會小心啲,放心,佢都走,遲啲返美國。」今次點同太太解釋?基哥無奈說:「我都唔知,慢慢諗,佢應該未睇到,因為佢喺大陸,封咗關,啲嘢都入唔到去,慢慢先,冇所謂。」

追問婚姻關係是否出現問題?基哥又咿哦:「er,都冇乜特別。」記者勸他不如坦白,基哥說:「er,唔係唔係,冇需要擔心,感謝你。」問到會否包二奶?他再吞吐說:「er,我相信我就唔會嘅,我通常都係,以前呢...老實講,來來去去,唔啱咪分開,以前我都試過,我唔會包二奶,放心。」有冇試過出軌?他說:「er,呢個我保持秘密,用一句成龍大哥嗰句,哈哈,唔需要擔心呀。」係咪犯了全天下男人都犯嘅錯?他停了一下說:「我暫時都未,只係講好耐以前,我都68歲囉。」

太太曾原諒出軌?基哥說:「係,多謝關心。」今次呢?他說:「呢次都冇乜特別呀,同個朋友出街,當然鬼妹仔性格,拖吓咁。仲有,話我買名牌畀佢,其實只係攞個袋裝嘢,佢攞住去送畀朋友,我從來冇送嘢畀佢。我哋識咗十年,有段時間冇見,佢喺美國返嚟招呼吓都要,有朋自遠方來不亦樂乎。」

-----------------------------

第三屆最港電影大獎

按此立即投票

-----------------------------

《果GYM》隨身播  健身壹App過!

一按即玩

李龍基和長髮女傳婚外情



鍾意就快D Share啦!