掃呢頁CODE去手機

2020年2月22日 星期六

森美:被當確診者親友 森美父母險被拒登機返港 #森美

資料混亂搞到差啲上唔到機。藝人森美嘅父母被困喺疫船「鑽石公主號」多日,好彩兩老嘅新冠肺炎檢測結果呈陰性,雖然之前搭包機走人時出現阻滯,最終尋晚成功上機 ...




資料混亂搞到差啲上唔到機。


藝人森美嘅父母被困喺疫船「鑽石公主號」多日,好彩兩老嘅新冠肺炎檢測結果呈陰性,雖然之前搭包機走人時出現阻滯,最終尋晚成功上機離開日本,啱啱就安全返到香港森美喺社交網宣布呢個喜訊:「父母終於回港接受隔離,安心多點,多謝曾幫手協助的所有朋友,及專業人士,更感激所有關心的親友朋友好友,抗疫中的每一位,繼續努力!」做仔女睇住父母困喺一個高危地方實擔心到爆,今次都算係不幸中之大幸!


而原定跟森美父母同坐包機回港的18名港人,在抵達羽田機場後被國泰拒絕登機,據悉他們被日方的醫生告知與確診者有緊密接觸,但之後被通知是消息錯誤,惟國泰最終仍拒讓他們登機。森美接受訪問時表示:「對18名港人被拒上機呢件事唔太清楚,不過我爸爸佢哋都差啲上唔到機,佢哋都被投閒置散去到一個地方幾個鐘頭,臨到尾同佢哋講,有幾個人上唔到機,話佢哋係確診者嘅親密朋友,我爸爸就同佢哋(透過翻譯同日本方面)講我哋冇喎,佢哋翻查先知道佢哋日本啲資料錯,臨最後立即安排架車畀佢哋(父母)登機,剩番嗰啲香港人,應該係同確診者有親密接觸,就聽日(23號)返嚟,我諗日本資訊都比較亂。」

來源 source: http://hk.on.cc
鍾意就快D Share啦!