戴眼鏡都可以Keep住靚嘅！
唔少人都覺得戴隱形眼鏡好過戴眼鏡，一嚟四眼予人傻氣感覺，二嚟好似唔太方便，不過新冠肺炎繼續擴散全球，早前就有專家話戴眼鏡可以減低飛沫傳播感染機會，其實戴眼鏡都可以Keep住靚，等小編同你細數圈中四眼「靚」妹
潮流興幼邊大框眼鏡，視后李佳芯BB就完美試範，仲帶點復古味道！轉戴黑框眼鏡一樣得，即刻斯文晒！
另一視后佘詩曼私下就成日戴眼鏡，雖然已經44歲，但戴上眼鏡後即刻減齡，少女味返晒嚟呀！
咪神高海寧（高Ling）早前同男神張智霖合作時，就扮演飯傻大姐，戴上圓框眼鏡同紮埋噴泉頭，傻氣得嚟不失可愛，相信如果真係以呢個Look行出街都得啫！
而以為人母嘅「長腳蟹」呂慧儀、岑麗香同人妻黃翠如都唔例外，放假都要畀對眼抖吓呀嘛！
喺台灣方面，「可愛教主」楊丞琳雖然已經結咗婚，但係Keep住童顏，仲不時戴上唔同眼鏡襯衫，無論女人味定𡃁妹味，戴副眼鏡就搞掂晒！仲有林依晨，就算淡妝上陣，加咗眼鏡之後立即出得街！
來源 source: http://hk.on.cc
|
鍾意就快D Share啦！
|
|
|
