【新增影片】
全球疫情大爆發，世衛公佈武漢肺炎全球流行，全球股市大跌，昨晚道指大跌近1,500點，一度跌穿23,500點關口，港股今日走勢都疲弱，最多跌逾1,100點，全日都要跌922點。股市大跌，市民普遍看本地樓價走勢疲弱，不過有市民認為可以趁低吸納。
陳先生表示，疫情影響全港經濟，例如零售業、餐飲業等，而這類行業中，亦有業主正在供樓，只要疫情持續向下，生意繼續差，這批人就會斷供，那時就會造成骨牌效應，全線大冧市。他預計今年樓價大跌20%。
對於是否趁低入市，陳笑言，「自己就冇物業係手，梗係想趁低吸納一啲，目標大約800萬元至1,000萬元，但而家仲未係時機，出面太亂。」
現時投資的話，他認為第一還是樓市，其次是保險。他解釋，「若果你買唔到樓，又不是專業投資者，投資牛熊證，風險極大，藍籌股收息穩定，但有機會蝕價，所以剩返保險可以維持高息回報，而且風險可以分散畀保險公司，好過日日對住1,000點上落的市。」
全球股價大冧，市民吳先生表示，樓市有機會延續股市頹勢，價格繼續向下走。
他解釋，始終肺炎全球散佈，外國開始封關，貿易生意做不了，經濟一定衰退，過多段時間，本港經濟又再依賴中國托市，但現時中國自己都顧不住，那有時間管理香港，所以本港樓價大機會下跌。
他續指，「呢家唔使理樓價跌幾多，買咗都係跌落去，不如買黃金、美金、日圓，穩陣啲！」
記者 黃朗鈞
-----------------------------
【武漢肺炎】專頁
全民自救 抗疫資訊盡在《蘋果》
-----------------------
屬於香港人的移民攻略
立即登入【全球樓行】
Dream House零距離
來源 source: http://hk.entertainment.appledaily.com
|
鍾意就快D Share啦！
|
|
|
