黎明詩早年經歷失婚，3年前突然宣佈出櫃和同性戀人Kelly拍拖，二人也會一起現身公開場合，昨晚黎明詩到新城電台接受倪詩蓓節目訪問，被問到會否分享這現今戀情時，她語帶婉拒：「冇諗喎，好穩定冇咩，唔使再講。」相反在節目中黎明詩則大談前一段婚姻經歷。
黎明詩媽咪及親友現居英國，她擔心親人狀況：「妹妹喺英國近3個月唔使返工，不過就出足糧，防疫期間留喺屋企多咗煮嘢食又會同我視像。」黎明另一細佬則居於美國紐約，當地亦是重災區，她說：「細佬都呻好悶，一星期只可以出去兩日買餸，最初我叫佢幫我買口罩，但又寄唔到返香港，結果最後佢自己用返，仲多謝我，嗰邊口罩好短缺，醫護都唔夠用。」
在訪問中黎明詩憶起當從英國返港後，在幕後打工被發掘到幕前唱歌出碟又拍電影，回顧當年明星蒲點，喜歡到Disco跳舞娛樂。歌星事業發展如日中天，但黎明詩卻突然選舉退出娛樂圈結婚，她解釋：「諗應該去人生另一階段，約滿就唔續約，我哋識咗好耐分開過，後來決定又結婚。」亦因前夫不允許她繼續做歌手，婚後決定轉為全職家庭主婦。倪詩蓓追問她前夫屬高大靚仔型，黎明詩說：「唔係因為個樣，係佢心地同性格。」
黎明詩與前夫結婚十幾年後才分開，當時她經歷低潮期：「未正式分開時已經成日借酒消愁，好唔開心，屋企有兩隻狗仔，眼神好懂性望住我喊，朋友又勸我陪我，覺得唔可以再咁落去。」
採訪：卓寶花
攝影：陳俊強
-----------------------------
App內1-Click訂閱《蘋果動新聞》
按此了解更多
來源 source: http://hk.appledaily.com
|
鍾意就快D Share啦！
|
|
|