2020年5月2日星期六

【食得夠占系列】抗疫期瘋狂地煮少爺占玩到自製叉燒飯 #少爺占

【食得夠占系列】抗疫期瘋狂地煮少爺占玩到自製叉燒飯

煮咗三個月，少爺占終於玩到整叉燒。

2月初，輸入本港的新冠肺炎確診個案不斷增加，當時內地確診宗數已逾3000宗，康文署更宣布所有文康設施暫停開放，直至另行通告，學校停課延長，香港人如臨大敵。

「將來我响唐人街工作唔使淨係做洗大餅啦，可以做蛋撻仔師傅了。暫時煮這麼多來說我覺得焗蛋撻是最費神又最好玩的。份量多多少少有很大的影響，又要焗皮先，之後又要焗蛋，外脆內滑好難，斷斷續續試了四次之後才成功了，影相出來靚最緊要嘛☺️。個半鐘做六個，一人兩個。」

「特別快訊，多區低筋麵粉缺貨。內子想食蛋撻，兒子想食抺茶曲奇。其實方便，就用做蛋撻的皮，加入抺茶粉，做成抹茶曲奇。作狀啲，我地可以叫佢做:自家製一口抹茶Cookie。」

由當時開始少爺占開始重拾鑊鏟煮嘢食，佢乜都煮，有洋葱湯有炒飯有湯圓有古早味蛋糕有蛋撻有牛肉麵有曲奇餅，同埋最新嘅叉燒。「終於都要玩到叉燒飯。前一晚用叉燒醬加玫瑰露酒加生抽加蒜蓉醃好梅頭肉。兩邊各220度焗15分鐘，搽蜜糖，攪掂。好似我咁作狀就梗係整埋蔥油同埋叉燒飯豉油記住同豬肉檔嘅豬肉佬熟啲，佢先會比夠又肥又靚嘅梅頭肉俾你，如果唔係舊肉好似我咁瘦就唔好味啦。」賣相相當唔錯，占嫂真幸福。