許志安今日復工錄影ViuTV音樂節目，受訪時說已經100%準備好，以行動通知朋友，自己會向前行。歐陽德勛和蔡立兒今晚在觀塘舉行網上音樂會，對於好友許志安今日復工錄影，蔡立兒坦言很替安仔開心，認為他是屬於唱歌舞台。安仔作復出這個決定會否感到很大壓力？歐陽德勛說：「其實冇乜特別，同佢細心研究過，我咁多年認識嘅許志安係屬於舞台，佢上到台就忘我，無論經過高與低，佢上返台就做返一個專業歌手，呢樣嘢係我唔會擔心，朋友嘅嘢，在心中就夠，其實我同佢（蔡立兒）噚晚都分別send咗message畀佢，衷心祝福咗佢，佢（許志安）都好簡單，只係留咗心心、多謝嘅emoji。」
問到有沒有找過鄭秀文（Sammi）傾過？蔡立兒表示會選擇祈禱，不會刻意找對方，因平時多數靠見面來溝通。這段時間沒有見面？蔡立兒說：「有時見一個，其中一堆。」Sammi是否已原諒了許志安？歐陽德勛表示：「呢啲我哋就冇問，不過會為佢哋兩個祈禱。」
受疫情影響，他們透露工作被迫停頓，所以多了時間舉行網上音樂會，她笑說：「呢個都唔知係第幾個live，但好感恩，我哋兩個好多時都一齊做。」有沒有試過因為見面多而多拗撬？歐陽德勛笑說：「都冇嘅！」蔡立兒透露平時唱舊歌之餘，亦會留意新歌，她表示喜歡江海珈（AGA）和馮允謙。
對於他們去年曾有意做經理人捧小朋友，蔡歐陽德勛說：「有啲家長嘅子女長大咗，未必一定入行，只係想栽培下佢哋，當一個課餘活動，想搵人學唱歌，佢（蔡立兒）不嬲都教唱歌，所以搵我哋，好大責任架，雖然今年遇到疫情，但我哋遇到有好嘅潛質都唔會放棄。」
採訪、攝影：黃曉妍
-----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
來源 source: http://hk.appledaily.com
|
鍾意就快D Share啦！
|
|
|