2020年6月16日星期二

【做老闆】搞洋酒生意印人生第一張卡片　樂瞳講明親自接單隨時送埋貨 #樂瞳

【做老闆】搞洋酒生意印人生第一張卡片　樂瞳講明親自接單隨時送埋貨

樂瞳公開人生第一張卡片，宣佈賣洋酒做老闆。

樂瞳去年尾接受本報訪問時，曾經透露剛通過品酒師試，計劃同朋友一齊搞有關洋酒的生意，創業做老闆，雖然呢半年受疫情影響，但呢日她終於宣佈好消息，她在社交平台留言話：「人生第一張卡片，想買酒搵我」仲公開埋電話號碼，自然吸引唔少網友回應，「唔怕打比你齋傾電話咩？」樂瞳親自回應話：「只談公事好嗎？支持下啦，我親自接單的」咁講法當然令網友有進一步要求，「係唔係你送貨先」而樂瞳亦答得好大體，「唔知架可能會有surprise」。不過當然亦有網友錯重點，反而注意到樂瞳的卡片款式，「成本BNO咁」。