祝結婚周年快樂～無綫處境劇《愛．回家之開心速遞》中嘅「Rebecca」沈可欣係寂寞難耐嘅中女，癡戀「鐵面陳」王致狄，但現實中完全相反，同老公楊證樺係模 ...
無綫處境劇《愛．回家之開心速遞》中嘅「Rebecca」沈可欣係寂寞難耐嘅中女，癡戀「鐵面陳」王致狄，但現實中完全相反，同老公楊證樺係模範夫妻，人前人後恩愛非常，二人育有兩子，一家四口幸福美滿。
尋日係沈可欣同楊證樺結婚4周年，兩公婆帶同囝囝到當年舉行婚宴及百日宴嘅酒店度假慶祝，今次一家四口同行，零舍有紀念價值。沈可欣上載相片到社交網與網民分享，見佢哋陪兩個仔戲水暢泳，夜晚仲切蛋糕慶祝，盡享親子時光。唔少網民留言送祝福，仲話希望佢哋追多個囡囡，咁楊證樺就真係要加把勁喇！
