藝人蘇志威和老婆劉小慧近年成為馬主，養了一匹美國自購馬「駿王」。可是，曾多次參賽的「駿王」，2月中被發現心律不正常，蘇志威夫婦因此決定將愛駒退疫，並送牠到新西蘭大牧場，讓牠在大草原繼續馳騁。
原定6月30日飛新西蘭的「駿王」，由於要先隔離才可以上飛機，因此日前蘇志威和劉小慧便趁愛駒到檢疫站前，親到馬房為牠送行。劉小慧在facebook貼出短片，片中二人憐惜地摸着愛駒，又餵牠食紅蘿蔔，顯得依依不捨，期間劉小慧忍不住爆喊，而將要離別主人的「駿王」更加一度不願上車，人馬互動場面感動不少網民。
《蘋果》今日致電小慧，她透露自己人生第一次喊到頭痛，心情至今仍未平伏。她說：「仲係好沉重，噚晚瞓唔着，到今朝頭痛到要食藥，咁大個女都未試過。因為同『駿王』有太深連結，好多動物會對主人愚忠，好似『駿王』咁，由我哋養佢開始，已經認定我哋一家係主人，我每次去探佢，離遠嗌佢，佢都識應我機，仲識遞手畀我，你問我佢想揀喺大自然奔跑定話留喺我哋身邊，我絕對相信佢會揀留喺我哋身邊。不過冇辦法，香港規定要留住隻馬，就只可以參賽，所以『駿王』暫時唯一出路就係要去新西蘭，嚟緊我哋都打算飛去嗰邊探佢。」
劉小慧透露將來會再購入新馬，目的並非為參賽，只因為養馬是老公多年的夢想。「因為老公屬馬，佢亦感染到我都一齊鍾意，不過養馬唔係要贏馬，我哋亦唔會畀壓力操練嘅人，最重要前題係馬嘅福祉。」
-----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
來源 source: http://hk.appledaily.com
|
鍾意就快D Share啦！
|
|
|
