真係似家姐多啲喎！
歌手鄧紫棋（G.E.M.）一向工作繁忙，尋日因為工作未能陪伴媽咪慶祝生日，為咗有張全家之福，佢特登key咗自己嘅樣落張相度，佢留言：「又一個因為工作而不能陪你過的生日，這個手工花瓶是我依照你的身形去做的，哈哈哈哈哈，祝你青春常駐、永遠保持年輕苗條，哈哈！今晚只能遠距離跟你吃生日飯了！媽媽生日快樂！」唔少網民都大讚G.E.M.媽非常年輕，保養得宜，連阿Bob（林盛斌）都忍唔住問：「你家姐呀嘛？？？？」
另外，佢又將學玩魔術嘅片放上網同大家分享，見佢手上攞住兩支一模一樣嘅鐵叉，就話要將佢變攣，佢不停咁笑，又話第一次變叉嘅魔術有啲緊張，變變吓又話唔記得，當佢隻手微微郁動後，另一隻手上嘅叉真係攣咗少少，再攞另一支叉對比番，果然成功咗！G.E.M.即時信心大增，變第二次時隻叉好快攣，好厲害！
來源 source: http://hk.on.cc
|
鍾意就快D Share啦！
|
|
|
