閨蜜係要見嘅！
新一代上位小花江嘉敏雖然盛傳同好姊妹馮盈盈鬧不和，但兩人在鏡頭前攬晒腰齊聲否認，日前盈盈生日，江嘉敏話會約佢食飯慶祝，但聲稱各有各忙未約到，究竟姊妹情有冇變就真係得兩人自己知。
不過江嘉敏同另一好姊妹林凱恩的姊妹情就冇變過，雖然忙緊開劇，但兩人都抽時間撐枱腳，江嘉敏在社交網上載兩人合照。嘉敏留言：「約咗好多日，終於約到。唔想求求其其食餐飯就算，望住海景，聽住音樂傾下計，有啲浪漫。浪漫到超人有少少呷醋。佢好細心，剝緊蝦殼時問：「使唔使我幫你剝吖？」講完就直接將剝好嘅蝦放咗係我隻碟，而我又啱啱好偷望咗佢一下，剛好對上大家眼神。
然而，我一直好喜歡佢嘅口頭禪「平安就好」，同佢個人一樣好善良。我性格火爆，而佢啱啱相反。燥底嘅時候有佢係身邊，一隻手攬住你膊頭，一邊做樹窿吸晒啲負能量，感覺好似小男友。」
來源 source: http://hk.on.cc
|
鍾意就快D Share啦！
|
|
|
