高Ling終於現身！
無綫藝人高海寧（高Ling）與音樂才子鄧智偉驚爆分手，而鄧智偉去年3月因工作關係在香港夜場認識沈小姐，其後沈小姐不停對鄧智偉作出滋擾，並唱衰高Ling，沈小姐更揚言要一層貝沙灣的樓才肯收手，令鄧智偉有感受到威脅，遂報警求助，並指擔心高Ling人身安全！
身為事件受害者的高海寧晚上現身將軍澳電視城，為劇集《七公主》開工，她一臉平靜，被問到現在的心情？她謂：「啱啱外景返嚟，依家趕入廠，（心情冇乜嘢，無影響到工作？）工作緊要，依家入廠拍下一場戲，大家都等緊我，有咩事都係問番佢（鄧智偉）會好啲。」至於是否去年一月與鄧智偉分手，高Ling表示：「一直都係好朋友！（咁你有冇受到滋擾？）問番佢好啲！」至於被問到會否擔心自己的人身安全？她謂：「任何朋友出咗事都會擔心！（今次件事影響到你，鄧智偉有冇打畀你？）我尋日開工開到今朝七點，瞓咗一陣，之後再拍外景然後入廠，未有處理同聯絡任何人。（咁呢年有冇收到滋擾電話？）問番佢好啲。」
來源 source: http://hk.on.cc
|
鍾意就快D Share啦！
|
|
|