黃日華愛妻梁潔華今日設靈。
藝人黃日華愛妻梁潔華今日設靈，梁潔華母親就手持拐杖，於親友攙扶下步入靈堂。不少圈中好友亦有到場致祭，包括林文龍夫婦、張繼聰夫婦、關禮傑夫婦、陳國邦夫婦、許紹雄、杜琪峯、陳法蓉、戴志偉、胡定欣、胡杏兒夫婦、范振鋒夫婦、廖啟智夫婦、姚子羚與患上漸凍人症的吳博君等。
苗僑偉（三哥）於下午五時許現身，透露近排一直有跟黃日華食飯見面，亦有陪他聊天，對於黃日華比之前消減，三哥指雖然瘦，但也很精神：「都要盡快振作，始終兩父女都有心理準備，係一種解脫。」而陳百祥（阿叻）則表示與梁潔華乃昔日《歡樂今宵》同事，見證她拍拖、結婚及生女：「生老病死始終令人忐忑同唔開心。」
至於譚詠麟就透露雖然與黃日華很久沒有踢波，但久不久也獲悉對方情況，大讚對方堅強：「遲啲都會叫佢落場，唔好睇佢火爆，其實佢好細心，好照顧隊員，有時我唔喺度，佢會做代主持帶佢哋食嘢，反而同華嫂唔太熟，以前電視城見過，黃日華對太太係無微不至。」
來源 source: http://hk.on.cc
|
鍾意就快D Share啦！
|
|
|