合和太子爺胡文新舊愛、38歲的劉晨芝昨日凌晨在中環夜店消遣時，被一名外籍女子突然飛腳踢傷，劉晨芝連捱了3腳倒下，下巴出現兩處傷口，友人先叫救護車把她送往瑪麗醫院急症室，其後再轉到養和，兩個傷口共縫了10針，她在瑪麗醫院報警，對於這無妄之災，她表示已聘律師追究到底。劉晨芝強調化灰都認得涉案女子，《蘋果》收到風有指對方是太陽娛樂老闆「洗米華」周焯華舊愛Mandy Lieu的師妹May Atkinson，女方的IG貼出很多性感相，劉晨芝一睇對方照片，即確認是涉案女子。劉晨芝說：「係佢呀，你哋點知？我冇認錯。」
劉晨芝休息了一日，下巴傷口疼痛，頸部也不能扭動，她展示了多張下巴傷口照片，傷口很深，她身上紅色裙都沾滿血，連胸圍都留有血迹。劉晨芝今日接受《蘋果》電話訪問，她講及遇襲過程，猶有餘悸：「當晚我同七、八個朋友去玩，隔籬台一班人之中，我見到一個識嘅男仔，我就過去打寒暄，我哋絕對冇任何親密行為，但佢個外籍女朋友突然向我起腳，踢咗我3下，我下巴就有兩個大而深嘅傷口，啲血立即湧出嚟，朋友同我按住傷口止血，我全程係冇暈過同冇撞到嘢，我就送咗去瑪麗，我喺嗰度報警落口供，跟住再轉去養和縫針。下巴傷口今日好痛，條頸都轉唔到，以為瞓一晚冇事，我驚傷及頸椎，可大可小。」
劉晨芝下周會飛美國參與大導演馬田史高西斯（Martin Scorsese）監製的電影，現在下巴受傷，她擔心會影響拍攝工作。劉晨芝再說：「我個下巴仲好痛，口都擘唔大，食唔到嘢。我好擔心傷口咁深會破相同毀容，女仔個樣好緊要，我做幕前。而家口擘唔大，點唱歌喎。」劉晨芝指當晚事發完全沒跟人爭執，不明對方何以發難，劉晨芝謂那個打招呼的男友人事後有聯絡她致歉，同時也有代女友道歉，劉晨芝怒氣未消，她說：「我一定追究到底同要佢賠償，我受傷後好驚，精神壓力好大，一定要告到底，我好多證人，又有店中CCTV。」好友莊思敏和陳庭欣都勸她以後要少去夜場消遣，她答：「我有開餐廳，我去都係應酬，工作一部份，不過呢次教訓，以盡量減少啲應酬。」
-----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
來源 source: http://hk.appledaily.com
|
鍾意就快D Share啦！
|
|
|