蔣嘉瑩最近推出新歌《囚鳥》，今日在佐敦拍攝MV，海俊傑會擔任MV男主角，她笑指已叫導演多安排自己與海俊傑的親熱位：「攬下、畀我挨下膊頭，咁就滿足，唔使錫，費事老公呷醋。」由於天氣不穩兼有颱風，蔣嘉瑩坦言很擔心會影響拍攝，幸好天公造美，順利完成外景的拍攝。
提到這首歌講述男方因為太愛女方而要獨霸佔她，終日把她困在家中，蔣嘉瑩表示與前度的故事相關，她說：「當時我哋拍咗7年拖，已經係談婚論嫁嘅階段，但佢管我好嚴，一有男仔嘅地方或有人追我，佢就叫我辭職，我出街要11點前返屋企，我記得同媽咪睇演唱會，佢會叫我早走。」就這樣忍足7年，蔣嘉瑩覺得當時好迷失：「咁多年，我有少少困咗喺入面，就算有度門打開咗，我都唔夠膽行出去，當時開始收埋咗自己，冇朋友，斷六親，自己好迷失。」問到如何踏出第一步？蔣嘉瑩說：「勇氣，有次我同屋企人返咗加拿大，我覺得好辛苦，愛一個人唔係咁樣佔有，所以我覺得自己要飛出去，所以我同佢提出分手。」幸運地，她遇上現任老公，更組織了一個美滿幸福的家庭。
採訪：黃曉妍
攝影：陳俊強
-----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
來源 source: http://hk.appledaily.com
|
鍾意就快D Share啦！
|
|
|