恭喜晒喎！
藝人裕美去年1月曾與林作被爆同遊北海道及同居疑雲，但兩人一直否認戀情。兩人被目睹在尖沙咀撐枱腳後拖手仔離場，一見到有人經過就鬆手兼彈開，林作當場否認和裕美拍拖，聲稱只是食飯，而裕美則不作回應，只是面帶笑容。
裕美剛以短訊回覆東網，她大方認愛說：「是的！（恭喜！）Hahaa，多謝！」她透露與林作一起了一段時間，她說：「本身好討厭佢，佢個樣、髮型同埋講嘢，令我懷疑佢係咪黐線！有少少歧視佢，學歷高唔係大晒，佢口花到令人唔實際。但我因為有啲事，佢都有幫手，我對佢有改觀，佢認真時都幫到我好多。我覺得佢係我遇過最好嘅男人！」裕美更指與林作一起，自己變成公主：「公主病，其實係縱出嚟！」看來愛得很甜蜜！再問到有指林作媽咪不喜歡她，裕美說：「呢個我唔回應喇，始終呢個係佢家事，我又唔太了解。」
林作則表示：「本人自之前經歷深悟到不能回應任何感情新聞，否則會被引來網友的批評，認為無名小卒如我在充大頭鬼。本人係同意嘅，一個毫無作為、毫無作品、冇咩人認識嘅人，應該盡量減少在新聞中出現，以免浪費網民們精力啊。」問可會乘機邀裕美加入自己的保險行業？他說：「工作事項更不回應。」
P3]
裕美入行以來緋聞多多，曾被爆背夫出軌跟無綫藝人黃子恆相戀，令形象大跌。而林作與麥明詩分手後，有傳他在一個飯局對裕美嗒糖，之後經常傳訊息冧對方。裕美又曾邀林作做直播節目嘉賓，林作說過：「橫刀奪愛，絕對冇問題！」惟裕美仍在跟外籍男友Alex拍拖，林作一度被傳是第三者。
來源 source: http://hk.on.cc
|
鍾意就快D Share啦！
|
|
|